Eanajuohkinášši oktavuođas sáhttá eanajuohkinriekti árvvoštit buhtadusmihtideami bággolonistemiin ja ráđđengáržžidemiin. Dát áššit ovttastit eanajuohkima ja bággolonisteami váikkuhanomiid.

Ovttastahtton áššit (eanajuohkin ja oktanaga árvvošteapmi)

 Eanajuohkinriekti sáhttá ovddidit eanajuohkima ja doallat bággolonisteami/buhtadusárvvošteami oktanaga daid seamma opmodagaide, ovttaiduhtton oassin eanajuohkináššis. Dát lea áigeguovdil go almmolaččat bággolonista luodda- dahje ruovdemáđiihuksema ja almmolaš ráđđengáržžidemiin, nugo mahkáš luonddugáhttemis.

Eanajuohkinlága váikkuhanomiid bokte váiduda eanajuohkinriekti vahágiid ja hehttehusaid maid huksen- dahje gáhttendoaibmabidju dagaha. Dasto doallá eanajuohkinriekti árvvošteami, dábáláš bággolonistanregeliid vuođul, ja mearrida buhtadusa dan ekonomalaš vahága ovddas mii ii buhttejuvvo ollásit ášši eanajuohkinoasi bokte.

Árvvošteapmi

Eanajuohkinrievttis lea láhkavuođđu doallat árvvošteami sierra áššin máŋggalágan lágaid mielde. Vuođđu lea eanaš ráddjejuvvon areálaide mat leat biddjon eanadoallo-, luonddu- ja olgunastinguvlui (LNF).

• Eanajuohkinláhka addá eanajuohkinriektái láhkavuođu doallat bággolonistanárvvošteami/buhtadusárvvošteami sierra áššin go oasehasat dan leat šiehtadan.
• Áideláhka addá eanajuohkinriektái láhkavuođu doallat áideárvvošteami, ovdamearkka dihtii áiddi čeggema ja máŧasanu goluid juohkima oktavuođas.
• Geaidnoláhka addá eanajuohkinriektái láhkavuođu doallat geaidnoárvvošteami sierra áššin priváhta luottaide, mahkáš ásahit luoddavuoigatvuođa bákkuin.
• Servituhttaláhka addá eanajuohkinriektái láhkavuođu doallat servituhttaárvvošteami sierra áššin, mahkáš sirdit dahje loahpahit geavahanvuoigatvuođaid.
• Boazodoalloláhka addá eanajuohkinriektái láhkavuođu doallat árvvošteami sierra áššin doaibmabijuid oktavuođas maid soames boazodoalli dahje eanaoamasteaddji lea čađahan boazoguohtunguovllus, buhtadusárvvošteami dan oktavuođas go bohccot leat vahágahttán gittiid ja eará.