Meny

Ráŋggáštusášši dutkan álgá dávjá go muhtton lea váruhuvvon áššis. Dát ii leat formalálaš státusaid mii addá váruhuvvomii eanet vuoigtavuođaid go dan mat sus ledje ovdal go váruhuvvui.

Olmmoš gii lea dahkan vearredágu sáhttá oažžut juriihkálaš státusa áššáiduhtton iešguđetge áigodagas dan botta go ráŋggáštusášši dutkojuvvo (omd. ožžot buohkat geat šaddet háldogiddagassii státusa áššáiduhtton). Dat čuovvu ráŋggáštusproseassalága § 82 ahte váruhuvvon oažžu státusa áššáiduhtton go "boleseiseváldit leat cealkán su áššáiduhtton dahje go riektečuovvuleapmi lea álgghuvvon dahje dat lea čađahuvvon gittaváldin, burgin, duogušteapmi dahje sullasaš váruhuššan su vuostá".

Áššáiduhttomat sáhttet hilgáduvvot dutkama vuolde nu ahte olmmoš ii rehkenasto áššáiduhtton go dutkan loahpahuvvo. Váruhuvvon ii oačču státusa áššáiduhtton go su vuostá čađahuvvo čiegus dutkan nu go ovdamearkka dihtii kommunikašuvnna dárkkisteapmi.

Go ášši lea gárvásit dutkojuvvon, cealká boleseiseváldi áššáiskuhttoma áššiin gos oaivvildit áššáiduhtton galgá dubmejuvvot dagu ovddas mas lea áššáiduhtton. Olmmoš oažžu de státusa, áššáskuhtton áššis.

Áššáiduhtton ja áššáiskuhtton státus addá eanáš háviid vuoigtavuođa oaččut gokčot bealušteaddji álmmolaččat. Dasa lassin lea áššáiduhttos ja áššáskuhttos eanet vuoigtavuođat beassat geahččat ášši dokumeanttaid.

Eanet dieđuid du vuoigatvuođaid birra áššáiskuhttomin ja áššáduhttomin ráŋggáštusáššis gávnnat Justisadepartameantta neahttasiidduin.

 

Siidu lea maŋimus dáhkiduvvon: 28.01.2015, kl. 13:00