Meny

Doarjjaadvokáhtat galget bearráigeahččat gillájeaddji ja oarbásiid vuoigatvuođaid ráŋggáštusáššis. Dát guoská sihke dutkan áigge ja riektegieđahallama oktavuođas. Dán siidus gávnnat dieđuid doarjjaadvokáhta -ortnega birra.

Geas lea vuoigatvuohta doarjjaadvokáhtii?

Sihke son gii lea gillán veahkaváldima (gillájeaddji) ja oarbásiin sáhttá leat vuoigatvuohta oažžut doarjjaadvokáhta. Ovdamearkka dihtii lea gillájeaddjis gii lea gillán dihto lágan seksuála veahkaváldima vuoigatvuohta oažžut doarjjaadvokáhta. Seamma vuoigatvuohta lea oarbásiin geaid lagamuš vuollil 18 jagi lea japman ráŋggáštahtti dagu geažil. Riekti sáhttá maid nammadit doarjjaadvokáhta eará diliin gos erenoamáš dilálašvuođat dagahit dárbbu dasa.

Doarjjaadvokáhta doaibma

Doarjjaadvokáhta galgá fuolahit gillájeaddji ja oarbásiid dutkama vuolde ja diggelanjas. Dikkis sáhttá doarjjaadvokáhta gillájeaddji ja oarbásiid ovddas divvut gažaldaga áššáskuhttomii, vihtaniidda ja áššedovdái. Dát doaibmá beroškeahttá ahte leago ovddiduvvo buhtadusgáibádus áššis.     

Buhtadusgáibádus

Áššiin gos gillájeaddjin ja oarbásiin lea vuoigatvuohta oažžut doarjjaadvokáhta, ovddida doarjjaadvokáhta vejolaš buhtadusgáibádusa. Váikkovel lea doarjjaadvokáhta de ii eaktut dat ahte sáhttát ovddidit buhtadusgáibádusa. Erehus eará áššiid ektui lea ahte gillájeaddji ja oarbásat fertejit ovddidit buhtadus gáibádusa áššáskuhttineiseválddiide, geat fas árvvoštallet ahte galgá go čuovvulit gáibádusa viidásat.

Njuolggadusat dákkár siviila gáibádusaide gos gillájeaddji dahje earát geat leat vahágahtton ráŋggáštusáššiin lea čilgejuvvon ráŋggáštusproseassalága kapihtal 29 (lovdata.no).

Mii dáhpáhuvvá diggelanjas?

Áššin gos gillájeaddjis ja oarbásiin lea vuoigatvuohta oažžut doarjjaadvokáhta, galgá gillájeaddji čilget ovdalgo áššáskuhtton čilge váldodiggomis. Oarbásat geat galget čilget, sáhttá diggi mearridit ahte besset go sii čilget ovdal áššáskuhttoma. Gillájeaddji ja oarbásat geain lea doarjjaadvokáhta lea vuoigatvuohta kommenteret duođaštusovdanbuktima dikkis ja buktit loahpamearkkašumi. Dát berre dahkkot doarjjaadvokáhta neavvumiin.

 Leaŋka vuoigatvuohta oažžut doarjjaadvokáhta ráŋggášutusproseassalagas gávnnat Lovdata.noGeahča duopmostuoluid fásta doarjjaadvokáhtaid oppalašlisttu (pdf)

Siidu lea maŋimuš dáhkiduvvon: 06.11.2014, kl. 09:01

 

Siidu lea maŋimus dáhkiduvvon: 01.12.2014, kl. 12:27