Meny

Lassiin sidjiide geain lea formála rolla riektevuogádagas, sáhttet maiddái earát leat dikkis.

Journalistat

Journalistat čuvvot dávjá dikkiid ja máŋga riektesáliin leat sierra sajit várrejuvvon sidjiide . Journalistan lea máŋga dehálaš rolla duopmostuoluin. Vuosttažettiin dat ahte álbmot beassá diehtit mii dáhpáhuvvá dikkis. Máŋga mearrádusa maid duopmostuollu dahká, sáhttá leat mearkkašahtti earáide go dušše ášši oasehasaide. Dasa lassin dárkkista mediija dan mii dáhpáhuvvá duopmostuoluin. Dat dadjo dávjá ahte journalistat leat riektesihkarvuođa váktabeatnagat demokráhtalaš servvodagas.

Guldaleaddjit/guossit

Eanáš diggeáššit leat rahppasat gehččiide, ja eanáš riektesálain leat sierra sajit guldaleddjiide. Guldaleaddjit sáhttet leat journalistat, skuvlaluohkkát, lagamuččat, bearaš ja oasehasaid skihpárat dahje earát geain lea beroštupmi áššái.

Muhton áššešlájain sáhttá diggi mearridit giddet uvssaid. Ovdamearkan dasa lea ráŋggáštusášši gos áššáskuhtton lea vuollil 18 jagi. Eará ovdamearkkat leat bearašáššit ja mánáidsuodjalanáššit. Dalle eai sáhte guldaleaddjit leat dikkis, jus duopmár ii suova sin boahtit. Guldaleaddjit galget čájehit gutnálašvuođa diggái ja eai galgga muosehuhttit dikki.

Rievtti bálvá

Muhton áššiin, erenoamážit stuorát ráŋggáštusáššiin searvá rievtti bálvá. Sus lea dábálaččat uniforbma badjelis. Rievtti bálvá bargu lea dábálaččat veahkehit rievtti ja earáid aktevrraid praktihkalaš doaimmain dan botta go diggi bistá. Son áimmahuššá eret eará vihtaniid. Dása guoská váldi ordnet buhtadusgáibádusaid, olggosgollomávssu ja nu ain. Rievtti bálvát leat dábálaččat bolesbálvát geat leat ealáhagas.

Čálli

Čálli čállá riektegirjji rievtti šiehtadallamin ja sáhttá muđuid dahkat eará praktihkalaš bargguid dikkis. Dávjá čállá rievtti jođiheaddji dahje fágaduopmár riektegirjji, nu ahte dalle ii leat sierra čálli.

 

 

Siidu lea maŋimus dáhkiduvvon: 11.02.2015, kl. 14:27