Meny

Norgga duopmostuolut> Ráŋggáštusášši> Láhtten dikkis

Leat mielde diggeáššis lea duođalaš sidjiide geaidda ášši guoská. Danin lea gudnevuollegašvuohta dehálaš rámma áššiin. Dán siidu gávnnat dieđuid man láhkai galgat láhttet diggelanjas.

Bargu mii dáhkku diggelanjas lea duođalaš ja gáibideaddji. Das sáhttet leat stuorra váikkuhusat sidjiide geasa ášši guoská, leš dal oasehas, vihtan, áššáskuhtton dahje gillájeaddji. Rievtti mearrádusat áššis, sáhttet maid váikkuhit olggobeal guoskevaš áššiide. Sivvan dasa lea go ášši boađus sáhttá mielddisbuktit riektegeavahusa, mearkkaša ahte sullasaš áššiin gehččo makkár boađus lea leamaš seammalágan áššiin. Danne lea dehálaš ahte buot riekteáššiid meannudeamis galgá leat siivos ja gudnevuollegašvuođa rámma.

Rievtti jođiheaddjái gullá bargu jođihit šiehtadallamiid fásta njuolggadusaid vuođul. Buohkat leat danin geatnegahtton čuovvut dieđuid maid rievtti jođiheaddji cealká.

Rámat mat deattuhit gudnevuollegašvuođa riektái ja duopmára fápmui

Fágaduopmárin ja advokáhtain lea čáhppes Káhpa (geahča njuolggadusaid dán birra lovdata.no). Eará aktevrrain lea dábálaš, čáppa biktasat.

Buohkat diggelanjas čuožžilit go duopmárat bohtet sisa. Dat seamma guoská go duopmárat mannet olggos diggelanjas bottu váldit dahje go diggi lea loahpahuvvon.

Muđuid gustojit dábálaš gáibádusat olmmošvuhtii rievttis.

Ale muosehuhte diggeášši:

Boađe buori áiggis. Ovdal go duopmár čohkkeda de galget buot aktevrrat ja guldaleaddjit leat sajis diggelanjas. Giehtatelefuvnnat ja eará jietnadávvirat galget leat časkon eret. Njuolggadusat almmolašvuhtii riektevuogádagas gusket maiddái sosiála mediaide, beroškeahttá makkár teknihkkalaš rusttegat mat geavahuvvojit. Ráŋggáštusáššin ii leat dábálaččat lohpi govvet dahje báddet jiena. Dat mearkkaša ahte ii leat lohpi govvet, filbmet dahje báddet giehtatelefuvnnain dahje eará rusttegiin. Dat iige leat lohpi govvet dahje báddet áššáiduhttoma dahje dubmejuvvoma go lea boahtimin dahje mannamin diggečoahkkimis. Dat seammá njuolggadusat gusket nu guhká go leat seamma visttis gos diggečoahkkin dollo, jus dat ii mieđit. Jus riekti lea gieldán referáhtačállima, de iige leat lohpi blogget, twitret ja sullasaš čállimiidda riektečoahkkimis. Loga eanet almmolašvuohta riektevuogádagas.

Dat ii leat lohpi hállat, lohkat aviissaid dahje eará čállosiid, juhkat dahje borrat.

Dábálaččat lea beaiveborran su. dii. 1200. Dasa lassin dollojit oanehis bottožat šiehtadallamiid vuolde.

Don berret garvit mannamis sisa dahje olggos riektelatnjas go ii leat boddu. Jus lihkká lea dárbu, de daga dan nu jaskat go vejolaš.

Čuovu muđuid rievtti jođiheaddji (duopmár) ja riektebálvá dieđuid.

 

Siidu lea maŋimus dáhkiduvvon: 31.03.2015, kl. 12:55