Meny

 Vánhenriidoáššit leat áššit gos vánhemat ovddidit riidoášši mii guoská mánnái duopmostuoluide. Árat geavahuvvui duohpa mánájuohkinášši dahje mánáidlágaášši seamma áššiin. Vánhemat sáhttet leat soabatmeahttumat vánhenovddasvástádusa ektui, gean luhtte mánná galgá beaivválaččat orrut ja gii galgá beassat ovttastallat mánáin. Dán siiddus sáhtát lohkat eambbo mo dákkár ášši ovddiduvvo riektái.

 Vanhemat shttet ovddidit ášši diggái go eai soabat

  • Vánhenovddasvástádus
  • Gean luhtte mánná galgá orrut beaivválaččat/dahje
  • Ovttastallan

Vánhen sáhttá ovddidit ášši riektái go geavaha skovvii stevdnemii (pdf).

Dat vánhen guhte áigu vástidit stevdnema, sáhttá dahkat dan go deavdá vástidan skovi (pdf).  Deavdinbagadusa gávnnat skoviid loahpas.

Ulbmil skoviin lea vuosttažettiin dahkat álkibun vánhemiidda. Sii sáhttet ovddidit ášši duopmostullui áššečuoččáldahttima bokte dahje vástidit manne lea vuolggahan ášši, advokáhta veahkki haga. Seammás lea maid vejolaš ahte advokáhta geavaha dáid skoviid.

Doai fertebeahtti soabadit bearašsuodjalankantuvrras

Ovdalgo ášši vuolggahuvvo, de fertejit nu go namahuvvon vánhemat čađahan soabadeami. Buot bearašsuodjalankantuvrrat fállet soabadeami. Maiddái muhtton báhppat, advokáhttat, psykologat dahje fágaolbmot geat barget almmolaš dearvvašvuođa- ja sosiálabálvalusain dahje PPTas sáhttet leat dohkkehuvvon soabadeaddjin.

Bufetata (mánáid-, nuoraid, ja bearašetáhtaid) neahttasiidui gávdno listu geat leat dohkkehuvvon vánhensoabadeaddjin/soabadankantuvran. Dasa lassin gávdnojit dieđut guđe dilálašvuođain soabadanduođaštus gáibiduvvo. Geahča Mánáid- nuoraid ja bearašetáhta neahttasiiddus 
https://www.bufdir.no/Familie/mekling/Praktisk_informasjon/

Veahkki skoviid deavdit?

Jus dárbbašat veahkki deavdit skoviid, sáhttát váldit oktavuođa báikkálaš duopmostuoluin dahje duopmostuoluin gii áigu gieđahallat ášši. Don sáhttát maid geahčat mánáidlága mearrádusain. Vánhengeatnegasvuohta ja gos mánná galgá orrut regulerejuvvo 5. Kapihttalis (Geahča mánáidlága kapihttal 5  lovdata.no). Ovttastallanvuoigatvuohta ja eará regulerejuvvo 6.kápihttalis (Geahča mánáidlága kapihttal 6 lovdata.no)

Geahča filmma mo ášši gieđahallo mánáidlága vuođul

Mátta-Trøndelaga diggeriekti lea ráhkadan filmma mo ášši gieđahallo mánáidlága vuođul. Sii leat čuvvon fiktiiva ášši dikkis. Deattuhuvvo erenoamážit ahte áššit mánáidlága vuođul sáhttá gieđahallot veaháš ieguđetgeláhkai  duopmostuolus duopmostullui.

 

Skjema om stevning på samisk 

Skjema om tilsvar på samisk

Siidu lea maŋimus dáhkiduvvon: 16.08.2017, kl. 15:24