Dersom du vil oppbevara testamentet ditt i tingretten, er det viktig å hugsa at

du må leggja ved eit oversendingsbrev kor det går fram at du ønskjer at retten skal oppbevara testamenet ditt.
du må leggja ved kopi av gyldig legitimasjon med bilete og signatur.
du må betala eit eingongsgebyr. Faktura vert ettersendt.
du må betala et nytt gebyr viss du endrar testamentet, skriver tilleggstestament eller nytt testament og ønskjer å oppbevara det hos tingretten.
Hugs å tilbakekalla testament som ikkje skal gjelda lenger.

Dersom du leverer inn testament for andre, må du legge ved

skriftleg fullmakt frå den som har skrive testamentet
kopi av legitimasjon for deg og den som har skrive testamentet (testator)

Advokatar som leverer testament på vegne av klient må

stadfesta i et følgebrev at dei leverer inn testamentet på vegne av klienten sin
legga ved kopi av testator sin legitimasjon

Dersom du har skrive eit testament saman med andre, og ikkje alle kan møta ved innlevering av testamentet, må den som leverer testamentet visa fullmakt og legitimasjon frå dei som ikkje er med.

Testament kan sendast per post eller leverast i postkassen i hallen på tinghuset.

Retten vil senda deg brev dersom det er manglar ved innleveringa. Dersom mangelen ikkje vert retta innan fristen du får, vil retten senda deg testamentet i retur.

Etter innlevering vil du motta kvittering på deponert testament ved Hordaland tingrett.

Utlevering av testament

Testator eller hans fullmektig kan til ei kvar tid få utlevert testamentet. Eit deponert testament skal berre returnerast når testator eller fullmektigen uttrykkeleg ber om det. Dette inneber at vi ikkje sender eit deponert testament tilbake til testator sjølv om vi får inn eit nytt testament der det står at alle tidlegare testament vert tilbakekalla.

Dersom testator har fleire testament til oppbevaring i domstolane, vil dette gå fram av utleveringskvitteringa. Testament vert ikkje sendt ut etter førespurnad per telefon eller e-post.

Fann du ikkje svar på det du lurte på? Send oss en førespurnad på e-post: hordaland.tingrett.skifte@domstol.no

Our services