Oppseiing på grunn av nedbemanning

Høgsterettsdom 9. mai 2018, HR-2018-880-A, (sak nr. 2017/1932), sivil sak, anke over dom,
A (advokat Oddvar Lindbekk) mot Prezioso Linjebygg AS (advokat Erik Wold)

Dommarar: Kallerud, Høgetveit Berg, Falch, Normann, Webster

Ei bedrift gjennomførte oppbemanningar i éi avdeling og kort tid etter nedbemanningar i ei anna avdeling. Høgsterett kom til at nytilsettingane og nedbemanninga måtte sjåast i samanheng. Arbeidsgivaren hadde derfor plikt til å vurdere om det fanst "annet passende arbeid", jf. arbeidsmiljølova § 15-7 andre ledd første punktum i heile verksemda før oppseiingane blei gjennomførte.

Lagmannsretten hadde komme til at bedrifta kunne nøye seg med å vurdere om det fanst anna passande arbeid i den eine avdelinga. Dette meinte Høgsterett ikkje var riktig rettsbruk, og lagmannsrettsdommen blei oppheva.

Avgjerda gir rettleiing for omfanget av plikta arbeidsgivaren har til å tilby anna passande arbeid ved større opp- og nedbemanningar.

Les heile avgjerda