Straffutmåling for grov aktlaus valdtekt
Høgsteretts dom 22. mars 2018, HR-2018-568-A, (sak nr. 2017/2036), straffesak, anke over dom,
Den offentlege påtalemakta (statsadvokat Petter Sødal) mot A (advokat Halvard Helle)
Dommarar: Bergh, Indreberg, Webster, Høgetveit Berg, Øie
Høgsterett fastsette straffa for ei grov aktlaus valdtekt til samleie til fengsel i eitt år og seks månader.
Kvinna som var utsett for valdtekta, var på grunn av søvn og/eller rus ute av stand til å motsette seg handlinga. Høgsterett fann i saka verken skjerpande eller formildande omstende som kunne påverke straffutmålinga.
Avgjerda gir rettleiing for straffenivået ved grov aktlaus valdtekt.