Vilkår oppfylt for å reise sak i Noreg mot utanlandske selskap
Høgsteretts orskurd 27. november 2019, HR-2019-2206-A, (sak nr. 19-023426SIV-HRET), sivil sak, anke over orskurd.
I.
Bring Express Sverige AB
Bring Cargo Inrikes AB
Bring Linehaul AB
Bring Frigo Åkeri AB
Svebol Logistics AB
Bring Åkeri AB
Bring Trucking a.s.
(advokat Ole Rasmus Asbjørnsen)
mot
Iveco S.p.A
Iveco Magirus AG
CNH Industrial N.V.
Fiat Chrysler Automobiles N.V.
(advokat Aksel Joachim Hageler)
Volvo Lastvagnar Ab
Renault Trucks SAS
Volvo Group Trucks Central Europe GmbH
AB Volvo
(advokat Kaare Andreas Shetelig)
DAF Trucks N.V.
DAF Trucks Deutschland GmbH
(advokat Karl Oddmundson Wallevik)
Daimler AG
(advokat Ole-Andreas Torgersen)
MAN Truck & Bus Deutschland GmbH
MAN SE
Man Truck & Bus Ag
(advokat Thomas Gjølberg Naalsund)
II.
Iveco S.p.A
Iveco Magirus AG
CNH Industrial N.V.
Fiat Chrysler Automobiles N.V.
(advokat Aksel Joachim Hageler)
Volvo Lastvagnar Ab
Renault Trucks SAS
Volvo Group Trucks Central Europe GmbH
AB Volvo
(advokat Kaare Andreas Shetelig)
DAF Trucks N.V.
DAF Trucks Deutschland GmbH
(advokat Karl Oddmundson Wallevik)
Daimler AG
(advokat Ole-Andreas Torgersen)
MAN Truck & Bus Deutschland GmbH
MAN SE
Man Truck & Bus Ag
(advokat Thomas Gjølberg Naalsund)
mot
Bring Cargo AS
Bring Linehaul AS
Bring Gudbrandsdalen AS
Bring Transportløsninger AS
Posten Norge AS
Espeland Transport AS
(advokat Ole Rasmus Asbjørnsen)
Dommarar: Møse, Matheson, Bull, Kallerud, Steinsvik
Høgsterett kom samrøystes til at Posten Norge AS mfl. i medhald av Luganokonvensjonen artikkel 6 nr. 1 kan reise erstatningssøksmål i Noreg mot utanlandske lastebilprodusentar som følgje av ulovleg prissamarbeid.
Ei rekkje europeiske lastebilprodusentar vart i 2016 gjennom eit vedtak av
EU-kommisjonen gitt bøter på meir enn 2,9 milliardar euro for eit samla og samanhengande prissamarbeid. Posten Norge AS mfl. hadde kjøpt mange lastebilar av eit norsk dotterselskap av ein av produsentane. Det vart gjort gjeldande at dotterselskapet, som ikkje var omfatta av kommisjonsvedtaket, også hadde delteke i prissamarbeidet. Posten Norge AS mfl. saksøkte under tilvising til Luganokonvensjonen artikkel 6 nr. 1 om særlege verneting dei utanlandske lastebilprodusentane saman med det norske dotterselskapet for Oslo tingrett. Det vart gjort gjeldande at dei saksøkte var solidarisk ansvarleg for tapet som prissamarbeidet hadde påført saksøkarane.
Høgsterett uttalte at det ikkje er eit vilkår for at «kravene er så nært forbundet» som omhandla i konvensjonen artikkel 6 nr. 1, at det ligg føre eit kommisjonsvedtak mot samtlege saksøkte. Saksøkarane har likevel bevisbyrden for at også selskap som ikkje er omfatta av eit slikt vedtak, har delteke i prissamarbeidet.
Vidare kom Høgsterett til at spørsmålet om det er tilstrekkeleg tilknyting mellom krava, må vere underlagt ei viss prøving. Noko meir enn at saksøkaren påviser eit visst sannsyn for at tilknytingskravet er oppfylt krevst likevel ikkje.
Avgjerda klargjer særleg korleis pretensjonar om jurisdiksjon skal prøvast av norsk domstol i saker om internasjonalt verneting etter Luganokonvensjonen artikkel 6 nr. 1.