Fengsel i 13 år for seksuelle overgrep som var gjennomførte ved kontakt over internett
Høgsteretts dom 10. april 2019, HR-2019-721-A, (sak nr. 19-024643STR-HRET), straffesak, anke over dom:
Påtalemakta (statsadvokat Anders Mandal Funnemark) mot A (advokat Anders Green)
Dommarar: Indreberg, Bull, Kallerud, Bergh, Høgetveit Berg
Den domfelte hadde gjort seg skyldig i seksuelle overgrep mot i alt 49 mindreårige jenter. Eit fellestrekk ved lovbrota var at han hadde fått kontakt med barna ved bruk av internett. Han fekk 40 av jentene til å utføre seksuelle handlingar med seg sjølve medan han såg på via webkamera. Forholda strekte seg over fleire år og omfatta overgrep som var så alvorlege at dei fall inn under føresegna om valdtekt til samleie.
Dommen fastset straffenivået for denne typen handlingar.