Opphevelse av dom
Høgsteretts dom 28. juni 2019, HR-2019-1267-A, (sak nr. 19-029012STR-HRET)
A (advokat Anders Morten Brosveet) mot Påtalemyndigheten (konstituert statsadvokat Kari Hangeland Buvik)
Dommarar: Endresen, Indreberg, Matheson, Bull, Høgetveit
Berg
Lagmannsrettdommen i ei straffesak blei oppheva fordi den sikta skulle vore innkalla.
Ein mann blei i tingretten dømd for fleire tilfelle av motarbeiding av rettsvesenet. Straffa var fengsel i eitt år, av dei seks månader på vilkår. Påtalemakta anka og la ned påstand om at straffa skulle være fullt ut vilkårslaus.
Den tiltalte møtte ikkje til ankeforhandlinga. Lagmannsretten fremma likevel saka, da dei fann at det var overflødig at den sikta var til stades, jf. straffeprosesslova § 336 tredje ledd, jf. § 334 første ledd andre punktum. Straffa blei endra slik at ingen del av straffa blei gjord til vilkårsstraff.
Høgsterett oppheva dommen. Det følger av lovforarbeida at den sikta i eit tilfelle som dette skal kallast inn til ankeforhandlinga. Argumentet til påtalemakta om at det likevel var riktig å fremme saka fordi den sikta hadde vike unna forkynning av innkallinga, førte ikkje fram.
Dommen får betydning for forståinga av straffeprosesslova § 334 om innkalling i ankesaker.