Straff for seksuallovbrot
Høgsteretts dom 28. mars 2019, HR-2019-608-A, (sak nr. 19-006708STR-HRET), straffesak, anke over dom
A (advokat Marius Oscar Dietrichson) mot Påtalemakta (statsadvokat Vibeke Gjøslien Martins)
Dommarar: Matningsdal, Bull, Bergsjø, Falch, Berglund
Slik Høgsterett såg det, var fengsel i fire år og tre månader eit riktig straffenivå for to tilfelle av sleiking av kjønnsorganet til ei fire−fem år gammal jente. Utgangspunktet burde vere fengsel i rundt tre år for tre samleie med ei lettare psykisk utviklingshemma jente på 16 år.
Straffa for ved planmessige søk å ha funne fram til minst 500 overgrepsbilete av barn og for lagring av minst 38 bilete burde isolert ligge på fengsel i seks månader.
Dommen gir rettleiing om straffutmålinga ved brot på straffelova § 299 bokstav a, jf. § 301 første ledd første punktum, jf. andre ledd bokstav d, straffelova § 295 og straffelova § 311 første ledd.