Straffutmåling for i eit kort tidsrom å ha hatt med 217 kilo hasj å gjere
Høgsteretts dom 28. mars 2019, HR-2019-609-A, (sak nr. 18-185009STR-HRET), straffesak, anke over dom
A (advokat Trygve Staff) mot Påtalemakta (statsadvokat Stein Vale)
Ein 66 år gammal polakk blei dømd til fire års fengsel for å ha medverka til overdraging av 217 kilo hasj. Hasjen var gøymd i ein trailer der polakken var sjåfør, men det måtte leggast til grunn at sjåføren først blei klar over partiet da sidemannen hans skulle overlevere det til norske mottakarar. Frå sjåføren blei klar over hasjpartiet, til det med hjelp av han var overlevert, gjekk det rundt ein halv time.
Ved straffutmålinga blei det tatt noko omsyn til at omsettinga av lagmannsrettsdommen til polsk, og dermed ankebehandlinga, hadde tatt lang tid.
Dommen gir rettleiing om straffenivået for i eit kort tidsrom å ha hatt med eit større hasjparti å gjere.