Habilitet for dommer som har ledet narkotikaprogram med domstolskontroll
Høgsteretts dom 25. juni 2020, HR-2020-1333-A, (sak nr. 20-043611STR-HRET), straffesak, anke over dom
A (advokat Svein Kjetil Stallemo) mot Påtalemakta (statsadvokat Kristin Natasha Røhne)
Dommarar: Møse, Bergsjø, Falch, Bergh, Steinsvik
I ei sak om fullbyrding av straff etter vilkårsbrot ved gjennomføringa av narkotikaprogram med domstolskontroll (ND), gjorde den domfelte gjeldande at tingrettsdommaren som hadde leidd domstolskontrollen, var inhabil. Tingretten kom til at dommaren ikkje var inhabil, og vedkommande dommar dømde i saka.
Den direkte anken frå den domfelte over habilitetsspørsmålet førte fram i Høgsterett.
Eit fleirtal på tre dommarar kom til at rolla til tingrettsdommaren som ND-dommar ikkje på generelt grunnlag medførte inhabilitet, men kom til at dommaren var inhabil etter ei konkret vurdering i medhald av domstollova § 108.
Eit mindretal på to dommarar kom til at ND-dommarar normalt vil vere inhabile til å ta ei avgjerd om fullbyrding av straffa etter straffelova § 39 andre ledd, og at dommaren i saka var inhabil på dette grunnlaget.
Avgjerda klargjer habilitetskrava til dommarar som leier narkotikaprogram med domstolskontroll.