Meinerstatning på 450 000 kroner til mann som var offer for seksuelle over-grep da han var barn
Høgsteretts dom 22. september 2022, HR-2022-1820-A, (sak nr. 22-013570SIV-HRET), sivil sak, anke over dom.
A (advokat Flemming Marius Karlsen) mot B (advokat Inger Marie Sunde)
Ein mann var blitt utsett for ei rekke seksuelle overgrep da han var i alderen 10–15 år. Gjerningsmannen blei mange år seinare, mellom anna for desse overgrepa, dømd til fengsel i 11 år. Samtidig blei han dømd til å betale ca. 410 000 kroner i meinerstatning til den fornærma. Meinerstatning kan krevjast av den som er blitt medisinsk ufør, og har til formål å kompensere for tapte moglegheiter til livsutfalding og livsnyting.
Mannen som hadde vore utsett for overgrepa, anka over utmålinga av meinerstatninga. Høgsterett opprettheldt erstatningsutmålinga i lagmannsretten med nokre mindre justeringar.
Dommen stadfestar og utdjupar etablert praksis for utmåling av meinerstatning.
Rettsområde: Meinerstatning. Skadeserstatningslova § 3-2
Nøkkelavsnitt: 24–26, 33, 50, 56
Dommarar: Webster, Noer, Arntzen, Falch, Thyness