Individuell etterverknad ved tariffavtaleskifte
Høgsteretts dom 2. juni 2021, HR-2021-1193-A, (sak nr. 20-149286SIV-HRET), sivil sak, anke over dom.
Marianne Carolin, Luzviminda Orcino Maningding, Vivian Adesuwa Ogoleh, Rizza Ramirez Beramo, Anne Rønningen, Bente Jeanette Yndestad Bye, Trine Heiseldahl, Wenche W. Solheim, Kari Løkjell, Yasotha Dayalan (advokat Magnus Buflod), Norsk Sykepleierforbund (partshjelpar), Unio, hovudorganisasjonen for universitets- og høgskoleutdanna (partshjelpar) (advokat Christopher Hansteen), Fagforbundet (partshjelpar) (advokat Kjetil Edvardsen), Arbeidstakarorganisasjonen Parat (partshjelpar) (advokat Sigurd Øyvind Kambestad) mot Stiftelsen Grefsenhjemmet (advokat Kurt Weltzien), Næringslivets Hovedorganisasjon (NHO) (partshjelpar) (advokat Margrethe Meder), Arbeidsgiverforeningen Spekter (partshjelpar), Hovedorganisasjonen Virke (partshjelpar) (advokat Tarjei Thorkildsen)
Dommarar: Webster, Noer, Arntzen, Thyness, Steinsvik
Ein privat sjukeheim melde seg i 2014 ut av arbeidsgivarforeininga Virke og inn i NHO. Som følge av endra organisasjonstilknyting ble ein ny tariffavtale gjord gjeldande ved sjukeheimen. Ti tilsette sjukepleiarar kravde framleis å få utbetalt eit tariffavtalt lønnstillegg dei hadde hatt medan dei var bundne av den tidlegare tariffavtalen. Arbeidsgivaren meinte at lønnstillegget fall bort da den tidlegare tariffavtalen opphøyrde.
Høgsterett kom til at det aktuelle lønnstillegget hadde blitt ein del av dei individuelle arbeidsavtalane mellom sjukeheimen og sjukepleiarane. Som individuell avtalenorm fall lønnstillegget ikkje bort som ein direkte følge av at den tidlegare tariffavtalen opphøyrde.
Forhandlingane var avgrensa. Høgsterett tok derfor ikkje stilling til eit subsidiært argument frå arbeidsgivaren om at lønnstillegget var i strid med gjeldande tariffavtale mellom partane og dermed ikkje kunne krevjast som følge av ufråvikelegheitsregelen i arbeidstvistlova § 6.
Avgjerda avklarer spørsmålet om individuell etterverknad av normative føresegner i ein tariffavtale.