Forståinga av føresegna i utlendingslova om opphøyr av flyktningstatus
Høgsteretts dom 3. februar 2021, HR-2021-203-A, (sak nr. 20-121835SIV-HRET), sivil sak, anke over dom.
A, B, C (advokat Arild Karl Humlen), Norsk organisasjon for asylsøkere (NOAS) (advokat Stephan Lange Jervell) (partshjelpar), FNs høgkommissær for flyktningar (UNHCR) (advokat Terje Einarsen) (partshjelpar) mot Staten v/Utlendingsnemnda (Regjeringsadvokaten v/advokat Ingvill Matre Meinich)
Dommarar: Webster, Normann, Bergsjø, Arntzen, Østensen Berglund
Lagmannsretten hadde lagt til grunn at UNEs vedtak om opphøyr av flyktningstatus for ein familie frå Afghanistan var gyldig. For Høgsterett var spørsmålet berre om lagmannsretten hadde bygd på ei riktig forståing av utlendingslova. Høgsterett var einig med lagmannsretten og forkasta anken frå familien.
I dommen la Høgsterett til grunn at moglegheita for internflukt i heimlandet kan takast i betraktning ved vurderinga av om flyktningstatusen skal opphøyre. Vurderinga må vidare bygge på forholda på vedtakstidspunktet også i tilfelle der utlendingen allereie er send ut av landet når vedtaket blir gjort.
Dommen gir rettleiing om forståinga av utlendingslova § 37 første ledd bokstav e.