Behandlingsgrunnlag etter person-vernforordninga (GDPR)
Høgsteretts dom 7. desember 2021, HR-2021-2403-A, (sak nr. 21-055809SIV-HRET), sivil sak, anke over dom.
Den norske legeforening (advokat Cecilie Tandberg Hallan) mot Staten v/Personvernnemnda (Regjeringsadvokaten v/advokat Stein-Erik Jahr Dahl)
Dommarar: Skoghøy, Matheson, Kallerud, Falch, Thyness
Legelisten.no er ei nettbasert teneste for deling av informasjon om mellom anna legar.
Legeforeningen hadde gått til søksmål med påstand om at Legelisten.no ikkje hadde rettsleg grunnlag – såkalla behandlingsgrunnlag – for å registrere og publisere subjektive brukarvurderingar av helsepersonell på Internett.
Høgsterett gjorde ei avveging av dei rettkomne interessene som Legelisten.no varetar, opp mot personverninteressene til helsepersonellet og kom til at Legelisten.no hadde behandlingsgrunnlag. Det blei særleg lagt vekt på at Legelisten.no er ei viktig kjelde for allmenta til informasjon om tilbydarar av helsetenester.
Dommen gir rettleiing om føresegnene om behandlingsgrunnlag i GDPR.