Om bruk av andres kjenneteikn som søkeord på Google er i strid med god forretningsskikk
Høgsteretts dom 14. desember 2021, HR-2021-2479-A, (sak nr. 21-083128SIV-HRET), sivil sak, anke over dom.
Komplett Bank ASA, Ikano Bank AB (publ), Norway Branch, BRAbank ASA (advokat Gunnar Meyer), Hovedorganisasjonen Virke (partshjelpar) (advokat Anders Aasland Kittelsen) mot Bank Norwegian ASA (advokat Jan Magne Langseth) (Rettsleg medhjelpar: advokat Christian Henrik Prahl Reusch), Google LLC (partshjelpar) (advokat Henrik Felix Reimers)
Dommarar: Falkanger, Bergsjø, Arntzen, Høgetveit Berg, Steinsvik
Tre bankar i marknaden for forbrukslån kravde at Bank Norwegians annonsering på internett ved bruk av kjenneteikna til bankane som betalte søkeord skulle bli forbudt i medhald av generalklausulen i marknadsføringslova.
Høgsterett kom, som lagmannsretten, til at det ikkje var grunnlag for å forby Bank Norwegians annonsepraksis. Anken blei derfor forkasta.
Høgsterett tok utgangspunkt i at EU-domstolen hadde vurdert tilsvarande annonsepraksis på varemerkerettsleg grunnlag og i fleire avgjerder konkludert med at bruken av andres kjenneteikn ved søkemotorannonsering ikkje inneber varemerkeinngrep. Høgsterett kom til at det ut frå praksisen ved EU-domstolen og den avveginga av omsyn som var gjord under varemerkeregelverket, ikkje var rom for å forby praksisen som stridande mot god forretningsskikk etter marknadsføringslova.
Dommen avklarer rekkevidda av marknadsføringslova § 25 ved søkemotorannonsering.