Vedtak om felling av ulv
Høgsteretts dom 26. mars 2021, HR-2021-662-A, (sak nr. 20-055609SIV-HRET), sivil sak, anke over dom.
I.
Staten v/Klima- og miljødepartementet (Regjeringsadvokaten v/advokat Asgeir Nygård), (rettsleg medhjelpar: advokat Elisabeth Stenwig), Norges Bondelag (partshjelpar), Norskog (partshjelpar), Norges Skogeierforbund (partshjelpar) (advokat Bjørn Terje Smistad), Utmarkskommunenes Sammenslutning (advokat Stein Erik Stinessen) (partshjelpar)
mot
Stiftelsen WWF Verdens Naturfond (advokat Carl Philip Funder Fleischer), (rettsleg medhjelpar: advokat Erlend Haaskjold)
II.
Stiftelsen WWF Verdens Naturfond (advokat Carl Philip Funder Fleischer), (rettsleg medhjelpar: advokat Erlend Haaskjold)
mot
Staten v/Klima- og miljødepartementet (Regjeringsadvokaten v/advokat Asgeir Nygård), (rettsleg medhjelpar: advokat Elisabeth Stenwig), Norges Bondelag (partshjelpar), Norskog (partshjelpar), Norges Skogeierforbund (partshjelpar) (advokat Bjørn Terje Smistad), Utmarkskommunenes Sammenslutning (advokat Stein Erik Stinessen) (partshjelpar)
Dommarar: Øie, Skoghøy, Normann, Falch, Bergh
Høgsterett kom til at tre vedtak om lisensfelling av 31 ulvar utanfor ulvesona vinteren 2017–2018 var gyldige. Staten blei derfor frifunnen i søksmålet, som var reist av Stiftelsen WWF Verdens Naturfond.
Høgsterett fann at vedtaka hadde heimel i naturmangfaldlova og rovviltforskrifta, og at dei ikkje var i strid med Bernkonvensjonen.
Høgsterett kom for det første til at fellingane ikkje trua ulvebestanden. For det andre oppfylte det eine vedtaket formålet om å avverje skade på husdyr og dei to andre vedtaka formålet om å vareta «andre offentlige interesser av vesentlig betydning». Endeleg fann Høgsterett at det ikkje låg føre tilfredsstillande alternativ til felling.
I vurderingane anerkjende Høgsterett dei omsyna som ligg bak den differensierte forvaltninga av ulvebestanden. Dette inneber mellom anna at terskelen for felling av ulv i realiteten kan settast lågare utanfor ulvesona enn innanfor. Det blei i samband med det lagt vekt på fråsegner i Stortinget i 2017.
Dommen klargjer dei rettslege rammene for norsk ulveforvaltning.