Omgåingsekteskap
Høgsteretts dom 1. juli 2021, HR-2021-1435-A, (sak nr. 19-163380SIV-HRET), sivil sak, anke over dom.
A (advokat Javeed Hussain Shah) mot Staten v/Utlendingsnemnda (Regjeringsadvokaten v/advokat Marius Stub)
Dommarar: Matheson, Noer, Bergsjø, Arntzen og Thyness
Saka gjaldt gyldigheita av eit vedtak i Utlendingsnemnda med avslag på søknad om opphaldsrett i Noreg for ektefellen til ein EØS-borgar.
Søkaren var ein afghansk statsborgar som i 2010 hadde fått vern i Romania. Der hadde han gifta seg med ein rumensk statsborgar. Ekteparet kom til Noreg i slutten av 2015. Bakgrunnen for avslaget på søknaden om opphaldskort var at hovudformålet med ekteskapet var å oppnå urettmessig grunnlag for opphald i Noreg.
Dommen, som blei sagd etter at det var innhenta ei rådgivande fråsegn frå EFTA-domstolen, gir rettleiing om tolkinga av reglane om omgåingsekteskap i utlendingslova.