Straff for bruk av arbeidskrafta til ein utlending som mangla rett til å ta arbeid i Noreg

Dommarar: Indreberg, Matheson, Bull, Falch, Høgetveit Berg

Ein utlending var på besøk hos broren sin som budde i Noreg og dreiv eit føretak som mellom anna pussa opp leilegheiter. Utlendingen oppheldt seg lovleg i Noreg, men hadde ikkje eit opphaldsløyve som gav rett til å ta arbeid. Ved eit høve kjøpte han inn to målingsspann og transporterte dei til ei leilegheit som føretaket til broren heldt på å pusse opp. Føretaket fekk pålagt ei bot for brot på utlendingslova § 108 tredje ledd bokstav a, som set straff for bruk av arbeidskrafta til ein utlending når utlendingen manglar nødvendig opphaldsløyve.

Høgsterett meinte at forholdet blei ramma av føresegna. Føresegna rammar også utføring av enkeltståande og kortvarige oppgåver. Det må riktig nok avgrensast mot vennetenester og ordinære handsrekkingar som er utslag av dagleglivets forventningar til god åtferd medmenneske imellom. Høgsterett var likevel einig med fleirtalet i lagmannsretten i at det som her hadde skjedd, ikkje var ei slik venneteneste eller handsrekking. Høgsterett meinte det var grunn til å reagere med føretaksstraff, men bota blei sett ned frå 60 000 kroner til 30 000 kroner.

Dommen gir rettleiing om forståinga av forbodet i utlendingslova mot bruk av arbeidskrafta til utlendingar som ikkje har rett til å ta arbeid i Noreg, og om bøtenivået ved brot på forbodet.　

Les heile avgjerda