Møre og Romsdal jordskifterett har 3 rettsstadar i Ørsta, Molde og Surnadal. Møre og Romsdal jordskifterett vart etablert 14.juni 2021 gjennom samanslåing av tidlegare Nordmøre jordskifterett, Romsdal jordskifterett og Sunnmøre jordskifterett.
Møre og Romsdal jordskifterett dekkjer alle kommunane i Møre og Romsdal, pluss Rindal kommune i Trøndelag.
Jordskifteretten er ein særdomstol som arbeidar med saker etter jordskiftelova. Den skal bidra til å løyse problem knytt til fast eigedom. Jordskifteretten kan m.a. klarleggje grenser og rettsforhold, omforme eigedomar ved arealbyte, etablere og oppløyse sameige, og gi reglar om sambruk mellom eigedomar.
Jordskifteretten utfører grensemerking, og kartlegging som del av saka, og sørger vidare for matrikulering og tinglysing av det som har varig verdi for framtida. I tillegg held jordskifteretten skjønn etter andre lover, m.a. om private vegar, gjerdehald, beite, og avløysing eller endring av servituttar.