Seksuell omgang med barn under 14 år. Straffutmåling.

Dommarane: Sverdrup, Øie, Gussgard, Stabel, Lund

A, ein uføretrygda mann på nærmare 45 år, hadde ved eit høve hatt seksuell omgang med ei jente på 12 år og 11 månader, ved å ha ført ein finger inn i hennar skjede og/eller late henne ta tak i sin penis og føre han i kontakt med sitt eige kjønnsorgan. Han blei i tingretten dømd til ei straff av fengsel i eitt år og fire månader. Den domfelte anka til lagmannsretten, som sette straffa til fengsel i eitt år. Begge dommane var gitt under dissens. Både påtalemakta og den domfelte anka til Høgsterett.

 

Høgsterett kom til same resultat som lagmannsretten, slik at fengselsstraffa blei sett til eitt år. I skjerpande retning blei det blant anna lagt vekt på at den domfelte hadde unytta eit barn som han visste var i ein svært vanskeleg og sårbar situasjon. Eit spørsmål i saka var om forholdet isolert sett – før strafferabatt for tilståing – kvalifiserte til ei straff opp mot to år, fordi handlinga lå nær opptil samleie, der minstestraffa er to år. Høgsterett svarte nektande på det. Hendinga verka tilfeldig og situasjonsavhengig og hadde ikkje det preg av kynisk og planlagd utnytting som er karakteristisk for ein del av domfellingane etter § 195. I formildande retning blei det lagt vekt på at domfelte hadde tilstått utan atterhald, og at tilståinga kom med det same, slik at fornærma slapp den belastninga det er ikkje å bli trudd.

 

Les heile avgjerda