Frådisponering av skipssjef i Kystvakta
Høgsterettsdom 13. desember 2016, HR-2016-2521-A, (sak nr. 2016/1114), sivil sak, anke over dom
Staten v/Forsvarsdepartementet (Regjeringsadvokaten v/advokat Hilde Lund) mot A (advokat Tor Gresseth)
Dommarar: Bårdsen, Bull, Bergh, Bergsjø, Endresen
Høgsterett slo fast at Forsvaret hadde gjort ein feil da ein skipssjef i Kystvakta – på grunn av samarbeidsproblem om bord – hadde fått ordre om å gå frå stillinga si straks og med permanent verknad. Mindre inngripande og mellombels tiltak skulle ha vore prøvde først.
Dommen har betydning for tolkinga av reglane om frådisponering av befal i Forsvaret.