Camilla Selman er på plass som direktør i Høgsterett

Selman kjem frå stillinga som kommuneadvokat i Oslo kommune, der ho har vore øvste leiar sidan 2020. Ho har brei erfaring frå både offentleg og privat sektor, mellom anna frå Finansdepartementet, Kommuneadvokaten i Oslo og Bærum, og frå advokatfirmaa Wiersholm og Hjort.

Ho fekk møterett for Høgsterett i 2007 og har særleg kompetanse innan arbeidsrett og forvaltningsrett. I tillegg har ho bidrege til fagfeltet gjennom fleire bøker og artiklar.

Ho tek med seg solid fagleg og leiarfagleg erfaring inn i rolla som direktør.

Høgsterett ser fram til samarbeidet og ønskjer Selman velkomen.