Administrativ leiing
Bente Johanne Kraugerud er Høgsteretts direktør. Christopher Haugli Sørensen er assisterande direktør.
Bente J. Kraugerud tiltredde 1. oktober 2019. Ho er fødd i 1974 og voks opp i Rakkestad.
Juridisk embetseksamen frå Universitetet i Oslo. Ho har tidlegare vore forhandlingssjef i Virke og avdelingsdirektør i seksjon for personal- og organisasjonsutvikling i Justis- og beredskapsdepartementet. Ho har også erfaring frå privat advokatverksemd og frå Kommunal- og moderniseringsdepartementet.
Christopher Haugli Sørensen tiltredde 21. mars 2019. Han er fødd i 1982 og voks opp i Larvik.
Juridisk embetseksamen frå Universitetet i Oslo. Han har tidlegare vore dommarfullmektig i Oslo byfogdembete. Han begynte som utgreiar i Høgsterett i 2010 og blei nestleiar i utgreiingseininga i januar 2018. I to periodar har han vore konstituert lagdommar i Borgarting lagmannsrett.