Soabadanráđđdi

Soabadanráđđi lea dat vuosttaš láđas riektevuogádagas siviila áššiin. Dat lea soabadaninstitušuvdna mas lea gáržžiduvvon dubmenváldi. 

Váldit oktavuođa soabadanráđiin?

Buot gielddain lea soabadanráđđi, iskka iežat gieldda neahttasiidduin.

Dieđut soabadanráđi rolla birra ja makkár áššiid sii meannudit, geahča www.forliksraadet.no 
Don gávnnat maid dieđuid polesiid neattasiiddus (polesat lea soabadanráđi čállingoddi).

Sáhttá go ášši soabadanráđis ovddidit viidásat diggegoddái?

Soabadanráđđi sáhttá loahpahit meannudeames ovtta ášši. Dat sáhttá dáhpáhuvvat jus lea uhcán jáhkehahtti ahte heive ášši meannudit viidásat, dahje jus soabadeapmi lea mannan duššái ja soabadanráđđi ii dáhtu cealkit duomu. Go okta ášši loahpahuvvo soabadanráđis de sáhttá dat ovddiduvvot diggegoddái stevnnega bokte.

Soabadanráđi duomut, dása gusket maid váilladuomut, sáhttá dárkkistuvvot áššečuoččáldahttimin diggegoddái. Áigemearri ovddidit stevnnega lea okta mánnu. Dáid áššiin ii gáibiduvvo dábálaš stevnnet, muhto lea doarvái sáddet mearrádusa diggái. Čále ahte dáhttut dárkkisteami, makkár rievdadus gáibidat, ja maid oaivvildat leat boastut mearrádusain.

Guoddalit eará mearrádusaid

Soabadanráđi mearrádusat áššegoluid, riektedivvaga dahje salearamearrideami ektui sáhttá guoddalit diggegoddái.