Sáhtát go gártat diggeáššái?

 sáhtát don gártat diggeáššái? Máŋgasat mis gártet goas nu sorrot diggeáššái. Dás lea muhtton dábáleamos “rollat” maid sáhttit oažžut.

 

Don balahuvvot leat dahkan ráŋggáštahtti dagu

Ii oktage sáhte dubmejuvvot ráŋggáštussii jus ii leat dahkan ráŋggáštahtti dagu. Mii lea ráŋggáštahtti dahku boahtá ovdan ráŋggáštuslágas.

Jus boles oaivvilda dahku galgá ráŋggáštahttot dušše sáhkkun, de oaččut nu gohčoduvvon sáhkkocelkosa. Dohkkehat go sáhkkocelkosa de lea ášši mearriduvvon. Jus it dohkket, manná ášši viidásat duopmostuoluide.

Duođalaš áššis ii leat sáhkkocealkkus áigeguovdil. Dakkár áššiin sádde boles ášši duopmostuoluide. Jus áššáiduhtton dovddasta bolesiidda, sáhttá áššáskuhttineiseváldi rávvet ahte ášši mearriduvvo áššáskuhttinmearrádusa- ja váldodikki haga. Diggegoddi sáhttá dalle cealkit dovddastusduomu. Dovddastusduopmu lea álkiduvvon  ráŋggáštusášši, dan maid gohčodit mielduopmárdiggi.

Jus ášši ii sáhte mearriduvvot sáhkkocelkosiin dahje dovddastusduopmun, de čállo áššáskuhttin go ášši lea gárvásit dutkon. Dalle bidjo ášši mielduopmárdiggin duopmostuolus.

Don it leat ovttaoaivilis soapmásin – siviila ášši

Siviila ášši álgá go guovttis dahje eambbosat eai nagot čoavdit riiddu gaskaneaset, ja danin dáhtot riektevuogádaga čoavdit riiddu. Okta oasehas sáhttá leat priváhta olmmoš, firbmá, organisašuvdna, almmolaš etáhta dahje almmolaš doaimmahat.

Dábálaš riido lea ovdamearkka dihti ahte A oaivvilda B lea velggolaš sutnje ruđa, ahte A oaivvilda ránnjá B:as lea menddo alla muorat, ahte A oaivvilda visttis maid ostii B:as lea váilevašvuođat, dahje ahte A ja B leaba earránan ja eaba soaba mo juohkit oktasašopmodaga.

Ášši priváhta oasehasa vuostá álgá soabadanráđis. Jus oasehasat eai soabat doppe, ja jus guktuin lea advokáhta, dahje jus almmolaš ásahus lea oasehas de manná ášši njuolgga diggegoddái gos ášši mearriduvvo.    

Don leat gillán ráŋggáštahtti dagu

Leatgo gillán ráŋggáštahtti dagu, de leat juridihkalaš tearpmaid vuođul gillájeaddji ráŋggáštusáššis. Don sáhtát gohččot vihtanuššat, ja soames diliin sáhtát maid oaččut nammaduvvot doarjjaadvokáhta.

Don leat vihtan

Vihtan lea olmmoš gii čilge diggái maid lea oaidnán, jurddašan, dovdan dahje oaivvildan konkrehta dili birra. Don gohččot vihtanin.

Don leat válljejuvvon leat mielduopmárin dahje lágadiggeláhttu

Okta prinsihpain norgga riektestádas lea ahte galggat dubmejuvvot dábálaš olbmuiguin. Danin vállje gielda álbmos válljejuvvon duopmáriid geat barget mielduopmárin dahje lágadiggeláhttun. Sii leat eanetlogus buot ráŋggáštanáššiin mat eai mearriduvvo dovddastusduopmun.

Don leat válljejuvvon leat mielduopmárin dahje lágadiggeláhttu

Okta prinsihpain norgga riektestádas lea ahte galggat dubmejuvvot dábálaš olbmuiguin. Danin vállje gielda álbmos válljejuvvon duopmáriid geat barget mielduopmárin dahje lágadiggeláhttun. Sii leat eanetlogus buot ráŋggáštanáššiin mat eai mearriduvvo dovddastusduopmun. 

Siidu lea maŋimuš dáhkiduvvon: 06.04.2018, kl. 13.12