Fállu

Norges domstoler> Straffesak> Sakstyper> Besøksforbud

Lahkonangielddus geavahuvvo eastadit veahkaváldima ja áitagiid. Dat dáhpáhuvvo go muhton olmmoš lea ožžon gildosa lahkonit dahje váldit oktavuođa dihto olbmuin.

Njuolggadusat lahkonangildosa birra gávnnat dás straffeprosessloven kap 17a (leaŋk lovdata.no).

Lahkonangielddus sáhttá bidjot fápmui jus balahuvvo ahte muhton

  • Dahká ráŋggáštahtti dagu nuppi olbmo vuostá
  • Čuvoda nuppi olbmo
  • Eará láhkai loavkidahttá nuppi olbmo ráfi. 

Lahkonangielddus sáhttá mearkkašit čuovvovaš gildosiid:

  • Ii beasa orodit dihto báikkis
  • čuvodit, gallestallat dahje eará láhkai váldit oktavuođa nuppiin olbmuin. 

Lahkonangielddus doaibmá dihto áigái, eanemus jagi háválassii.

Dat lea garra gáibádusat čuoččuhit lahkonangildosa iežat ruktui, ja dákkár gielddus sáhttá bisttit eanemus golbma mánu háválassii.

Dat ii leat dárbu gieldit olbmo lahkoneames duomu bokte. Bolesat mearridit lahkonangildosa, mii doaibmá dan rájes go dat gulahuvvo. Dasto mearrida riekti ahte leago dárbu guhkidit gildosa vai ii.

Rievtti lahkonangildosa meannudeapmi

Bolesat (áššáskuhttineiseváldi) galget viđa beaivve siste maŋŋágo lahkonangielddus mearrádus lea dahkon ja dat lea gulahuvvon dasa geasa guoská, de galgá mearrádus ovddiduvvot riektái. Lahkonangildosa mearrádusa sáhttá son gean gielddus galgá suodjalit ovddidit riektái. Nuppiin sániin son gii balahuvvo gillát veahkaváldiima ja áitagiid.

Riekti gohččo su geasa lahkonangielddus guoská, ja su gean gielddus galgá suddjet diggečoahkkimii. Jus ii boađe diggái, de riekti mearrida lahkonangildosa dokumeanttaid vuođul. Lea dábálaš ahte son geasa lahkonangielddus guoská boahtá diggái.

Rihkut lahkonangildosa lea ráŋggáštahtti, geahča straffeloven § 342 første ledd bokstav c (leaŋka lovdata.no).

 

 

Siidu lea maŋimus dáhkiduvvon: 20.04.2015, kl. 10:43