Dulka

 

Dát siidu lea tulkoma birra duopmostuoluin. Don oaččut vástádusa mo tulkon dáhpáhuvvá, ja bagadeami dutnje gii dáhtut šaddat tulkan duopmostuoluin.

Muhtomin ferte diggi geavahit dulka ovtta áššis nannet riekta ja rievttálaš meannudeami. Dat sáhttá leat dárbbašlaš go okta dahje eambbosat sis geat leat mielde áššis leat unnitgielagat.

Goas geavahuvvo tulka – ja gii máksá?

Siviila áššin friddja áššejođihemiin ja buot ráŋggáštusáššiin gokčá stáda goluid. Eará siviila áššiin gokčojit golut go riekti gávnnaha domstolloven § 135 (leaŋka lovdata.no) vuođul ahte lea dárbu tulkomii go okta dahje eambbosat oasehasain ii/eai máhte dárogiela, jus oasehas lea norgga stádaboargár dahje olgoriikalaš stádaboargár gii orru fásta Norggas

Golut tulkomii eará oktavuođain sáhttá stáda gokčat jus riekti gávnnaha dan govttolažžan. Dat guoská áššiin gos riekti lea gávnnahan dárbbašlažžan geavahit tulka sivas go okta dahje eambbo vihtanin dahje áššedovdiin eai máhte dárogiela, dahje jus okta dahje eambbosat oasehasain eai máhte dárogiela ja lea olgoriika stádaborgár geas ii leat fásta orrunsadji Norggas.

Dán láhkái tulkojuvvo

Tulkon dikkis sáhttá čađahuvvot máŋgga láhkái. Ovdamearkka dihti čohkká tulka sierra tulkonlanjas ja jorgala oktanaga dainna mii daddjo dikkis. Jus áššáskuhtton ovtta ráŋggáštusáššis ii ádde dárogiela, de guldala son tulka jorgaleami bealljebilttuid čađa (simultánadulkon).  Eará vejolašvuohta lea  ahte tulka čuočču ovdamearkka dihti vihtana bálddas go son čilge. Jus vihtan ii hála dárogiela, de čilge son tulkagilli ovdalgo tulka fas jorgala dárogillii (konsekutiiva tulkon).

Háliidat go šaddat dulkan duopmostuoluin?

Duopmostuollohálddahus (DA) ovttasbargá Searvadahttin- ja girjáivuođadirektoráhtain (IMDain)kvalitehtasihkarastit tulkoma. IMD organisere dan sisaváldingeahččalemiin tulkaohppui ja kursa tulkkaid ovddasvástádus suorggis.

Jus háliidat čálihuvvot Nationala dulkkaregistarii, ávžžuha DA ahte válddát oktavuođa IMDain gos dieđihuvvot kursii. Dárbbašlaš gelbbolašvuođa dieđut beassat registrerejuvvot Nationala dulkkaregistarii, čujuhuvvo tulkkaportálii www.tolkeportalen.nodahje IMDii.

Duopmostuollohálddahus ávžžuha buohkaid geat dáhttot dulkot dikkis ohcat oahppofálaldahkii dán suorggis. Muitte ahte dulkkat geain lea dulkonfágalaš oahppu vuoruhuvvojit bálvalit duopmostuolus ovdal sin geain ii leat dát oahppu.