Fállu

Buot diggeáššiid dábálaš duopmostuoluin jođihit fágaduopmárat. Fágaduopmár dábálaš duopmostuoluin (diggegoddi, lágamánneriekti ja Alimusriekti) lea álo  jurista.

Dábálaččat lea fágaduopmár gii nammaduvvon virgeduopmárin, muhto vissis áššešlájain sáhttá duopmárfamohas gaskaboddosaččat virgáiduvvot. Duopmárfamohasas lea juridihkalaš ámmáteksámen ja lea virgáiduvvon diggegoddái muhton áigái. Duopmárfamohasat sáhttet vissis gáržžidemiin, dubmet áššiid seamma dásis go ámmátduopmárat.

Gáibádusat ámmátduopmáriidda

Duopmostuolloláhka bidjá soames gáibádusaid duopmáriidda maid ferte duhtadit:

Duopmár galgá leat norgga stádaboargár ja son ii galgga duomu bokte massán jienastanvuoigatvuođa. Lea maid vuolimus ahkemearri duopmáriidda: 30 jagi alimusriekteduopmáriidda, vuosttaš lágamánni ja lágamánni. Viidásat lea unnimus ahkemearri 25 jagi lágaduopmáriidda ja diggeriekteduopmáriidda (21 jagi duopmár famohasaide). Duopmostuollolága mielde ii sáhte duopmár seammás leat láhttu soabadanráđis dahje doaibmi advokáhta.

Ámmátduopmár nammada Gonagas stádaráđis. Sii leat ámmátalbmát, ja lea Vuođđolága vuođul suodjaluvvon eretcealkimis ja sirdimis. Ámmátduopmár sáhttá dušše bidjot eret virggis maŋŋá riekteášši ja duomu. Dát vuoigatvuođat galget suddjet duopmára sorjjasmeahttunvuođa. Ámmátduopmára ealáhatahki lea 70 jagi.

Iešguđetgelágan duopmárat

Diggeášši duopmár sáhttá maid leat

  • Konstituerejuvvon duopmár.

Son lea maid jurista, seamma suodjalusain go ámmátalbmás lea. Konstitueren duopmár geavahuvvo gaskaboddosaš dárbbuid oktavuođas oanehis áigodagain.

  • Erenoamáš ja gohččojuvvon duopmárat.

Sii nammaduvvojit vissis áššin. Erenoamáš duopmárat lea dábálaččat duopmárat mat lea ealáhat agis, ja mat nammademiin ožžot bálvalit rievtti ovttaskas áššis dassái go devdet 73 jagi. Gohččojuvvon duopmárat leat duopmárat mat barget oanehis botta eará duopmostuoluin go gos dábálaččat barget.

Dábálaš stáhtalahttu lea nannosit ovddastuvvon riekteáššis álbmogisduopmár oasseváldima bokte. . Loga eanet álbmogisduopmárortnega birra

Etálaš prinsihpat duopmáriidda

Álbmoga áddejupmi lea ahte duopmára láhtten sihke siskkobealde ja olggobealde dikki ferte leat dan láhkai ahte álbmoga luohttámuš duopmárii ja duopmostullui ii goariduvvo. Eavttut eretcealkit duopmára čuovvu virgeolmmošlága. Duopmáris lea nanu eretcealkinsuodjalus, ja sii sáhttet dušše bidjot eret barggus maŋŋá riekteášši ja duomu. Dábáleamos lea ahte duopmárat hui hárve dubmejuvvojit, biddjojit eret virggis dahje lihccojit barggus.

 

 

 

Siidu lea maŋimus dáhkiduvvon: 17.12.2014, kl. 10:38