Fállu

Norgga duopmostuolut> Ráŋggáštusášši> Rievtti aktevrrat> Vihtandoarjja

Dán siiddus sáhttát lohkat mii vihtandoarjja lea ja manne dat lea dehálaš. Mis lea maid dieđut dutnje gii háliidat šaddat vihtandoarjagiin.

Maid bargá vihtandoarjja?

Dat ahte leat vihtanin dikkis sáhttá leat eahpelunddolaš eatnasiidda. Vihtandoarjja lea fálaldahkii gullá leat ságastallanguoibmin dutnje gii áiggut vihtanuššat. Vihtandoarjja fállá olmmošlaš doarjaga ja addá rávvagiid dan birra mii dáhpáhuvvá dikkis. Don sáhttát háleštit vihtandoarjagiin sihke ovdal ja maŋŋá dikki. Soames háviid sáhttá riektavihtan maiddái leat mielde dikkis. Vihtandoarjja lea bealátkeahttá guoskevaš diggeáššis ja sus lea jávohisvuođa geatni.

"Oadjebas vihtan lea buorre vihtan" lea vihtandoarjaga ulbmil. Vihtandoarjja muitala dutnje makkár rolla daid iešguđetge aktevrrain lea dikkis ja gos sii čohkkájit. Vihtandoarjja čilge maid mii dáhpáhuvvá dikkis. Dalle šattat eambbo oadjebas amas dilis ja beasat geavahit áiggi dasa maid galggat muitalit. Dalle oažžu duopmár buori vuođu mearridit áššis.

Dát duopmostuolut fállet vihtandoarjaga

Vihtandoarjja galgá addit praktihkalaš dieđuid sidjiide geat galget vihtanuššat dikkis. Dat mielddisbuktá ahte vihtandoarjja galgá:

  • Addit dieđuid riekteproseassa ja riektevuogádaga birra
  • leat čeahppi váldit oktavuođa olbmuiguin ja fállat doarjaga
  • leat jávohisvuođageatnegasvuohta

Vihtandoarjja galgá máhttit gulahallat sorrokeahttá iežas oainnu áššái ja ii galgga hálahit vihtana dan maid galgá dadjat dikkis.

Nanne riektasihkkarvuođa ja bálvalusaJus vihtan dikkis beassá geavahit áiggi iežas čilgehussii, oažžu riekti eanemus rivttes vuođu iežas mearrádussii. Vihtandoarjja gii čilge buot praktihkalaš gažaldagaid ja fállá doarjaga, unnida vihtana eahpesihkkarvuođa duopmostuolus. Dat máksá ahte ortnet buorida riektesihkkarvuođa.

Vihtandoarjjaortnet máksá maid buoret bálvalusa duopmostuolus. Eanáš duopmostuoluin eai leat bargit geat sáhttet vuostáiváldit ja neavvut vihtaniid go bohtet. Máŋga vihtana fertejit maid vuordit guhkká ovdalgo lea sin vuorru, ja dađibahábut ii addo álo diehtu maŋidemiid birra. Vihtanat geat bohtet duopmostuoluide oktan vihtandoarjagiin, ožžot dávjá dieđu jus šaddet vuordit. 

Norggas lea vihtandoarjjaortnet vuođđuduvvon eaktodáhtolašvuhtii. Dat mearkkaša ahte vihtandoarjagat leat bealátkeahtes, sis eai leat čanastumit oasehasaide. Máŋga vihtana leat addán positiivalaš dieđuid ruovttoluotta das ahte sii leat ožžon veahkki olbmuin geat leat eaktodáhtolaččat dieđihan iežaset dán doibmii, buhtadusa haga.

Šatta vihtandoarjja?

Loga eanet mo šattat vihtandoarjagiin

 

 

Siidu lea maŋimus dáhkiduvvon: 04.02.2015, kl. 13:54