Fállu

Siviila áššiid guoddaleapmi

Duopmu mii lea celkon diggerievttis sáhttá guoddaluvvot guoddalancealkámušain lagamánneriektái. Guoddalanáigemearri lea dábálaččat okta mánnu dan rájes go bealálaččat leat ožžon duomu diggegottis.

Diggerievtti duomu guoddaleapmi dahkko advokáhta bokte dan diggeriektái gos mearrádus lea celkon, dahje ovddiduvvon njálmmálaččat diggerievtti duopmárii. Guoddalancealkámušas galget meattáhusat mat leat dahkkon cuiggoduvvot. Diggeriekti dáhkida ahte cealkámuš ovddiduvvo vuostebeallái, gii seammás oažžu áigemeari ovddidt vásttaga. Go vásta lea ovddiduvvon dahje vástaáigi lea meattá, sáddejuvvojit áššedokumeanttat lagamánneriektái.

Makkár áššiid sáhttá guoddalit?

Dávviriid ruhtaárvu riidoáššin mearrida ahte beassá go guoddalit vai ii. Jus guoddaleami dávviriid árvu lea unnit árvu go 125 000 kruvnno, de ferte lagamánnereikti miehtat guoddleapámi.

Go guoddalanvejolašvuođa dán láhkai gáržžida, de hehttejuvvo ahte áššegolut áššiin gos leat unna ruđalaš árvvut, šaddet stuorát go dat supmi maid bealálaččat ribadit. 

Lágamánnerievttis lea maid ráddjejuvvon vejolašvuohta beahttalit meannudit guoddaleami jus nu gohčoduvvon guoddalanlávdegoddi duopmostuolus gávnnaha ahte guoddaleamis ii leat ávki. Dán meannudeami čađahit golbma duopmára ja gohčoduvvo guoddalaniskkadanáššin. Mearrádusa hilgut viidásat meannudit guoddaleami, mearriduvvo čálalaččat.

Gii dubme lágamánnerievttis?

Lagamánnerievttis mennudut dábálaččat golbma fágaduopmára siviila ášši. Muhtton áššeslájan galget leat álo  mielduopmárat. Dasa lassin sáhttet bealálaččat gáibidt  gohččut  guokte mielduopmára. Go gáibiduvvo sierra máhttu muhtton áššiesuorggis, sáhttá riekti nammadit fágadáiddolaš mielduopmáriid. Mielduopmárat dupmejit seamma dásis go juridihkálaš duopmárat.

Mo váldošiehtadallamat doibmet lágamánnerievttis?

Váldošiehtadallamat doibmet seamma láhkai go diggegottis.

Guoddalit Alimusriektái

Son guhte lea duhtameahttun lagamánnerievtti duomuin sáhttá guoddalit Alimusriektái. Loga eanet Alimusreivtti áššemeanudeami birra Alimusrievtti neahttabáikkis.

 

 

 

Siidu lea maŋimus dáhkiduvvon: 03.09.2014, kl. 08:55