Fállu

Dát siidus gávnnat oppalašgova rievtti áššemeannudan áššegoluin.

Áššit riektedivvagiin ja áššit riektedivvagiid haga

 

Eanáš áššit leat divatgeatni (geahča riektedivvagiid iešguđet áššiid oppalašgova).

Muhto dáin áššin ii galgga máksot divat

  • Áhččivuođa ášši

  • Mánájuohkin ášši, ovttastallanriekti dahje vánhenváldi

  • Ášši náittosgumiid dahje earránan olbmuid gaska loahpahit oktasaš opmodaga ja sullasaš ekonomalaš diliid

  • Válddehuhttin dahje áittaruššama loahpaheami ášši

  • Ášši maid oadjovuostáiváldi ovddida Bargo- ja čálgodirektoráhta vuostá dahje penšuvnna -dahje oadjolágaaddi vuostá

  • Ášši bargoaddi vuostá mii guoská bálvalusa- dahje bargodillái ja lea bargi gii vuolggaha ášši

  • Ášši riidolága kapihtal 36 vuođul dárkkistit hálddahuslaš mearrádus friddjavuođa massimis ja eará barggočađaheamit

  • Assodaga láigoášši viessolága vuođul ja vuoigatvuođat oassemearrái ásodatsearvvis

  • Ášši mii meannuduvvo militearabálvalusa beassamis jáhkihansivaid geažil

    Loga eanet riektedivatlágas § 10 på lovdata.no

    Mana riektedivat sierra siidu

    Advokáhta goluid gokčan

    Jus ášši mainna galggat diggái ii guoska friddja- riekteveahki ortnegii  (loga eanet friddja riekteveahkki birra), de fertejit oasehasat ieža máksit iežaset advokáhta goluid. Jus ášši váldo dubmemii sáhttá oasehas gii vuoittahalai šaddat máksit nuppe beali advokáhtagoluid.

    Ášši oalgegolut

    Oalgegolut leat áššemeannudan golut diggeášši oktavuođas,muhto mat eai gula riektedivvagii ja bálkágoluide advokáhtii (proseassafámohassi). Dat oasehas gii gáibida pántehanmeanu gokčá maid buot goluid  mielduopmáriidda, árvvoštusmielláhttuide, áššedovdiide, vihtaniidda, jorgaleddjiide, erenoamáš iskosiidda ja eará  oalgegoluide. Dat eanemus dábálaš oalgegolut leat golut áššedovdi mielduopmáriidda ja áššedovdiide.

    Váldonjuolggadus lea ahte oalgegolut galget máksut ovddalgihtii, muhto soames advokáhtain lea vuoigatvuohta máksit maŋŋá. Numo riektedivvagiin de galgá vuosttaš vuorus čuoččáldahtti máksit ovddalgihtii /gokčat oalgegoluid, muhto gii galgá loahpas máksit goluid mearrida duopmu/diggecealkámuš daid dábálaš áššegoluid njuolggadusaid vuođul (riidoláhka kapihtal 20).

    Čálalaš doaibmačilgehus advokáhtas

  • Advokáhtat geat leat miellahtut Advokatforeningen searvvis leat geatnegahtton addit čálalaš doaibmačilgehusa (leaŋka til Advokatforeningens neahttasidui) iežaset klieanttaide. Duođaštus galgá sisttisdoallat makkár barggu galgá bargat ja man guhkká dat ádjána, man olu  bálkká galgá rehkenastit ja moaitinvejolašvuođa dieđut. Buohkat geat geavahit advokáhta ávžžuhuvvojit dáhttut dákkár doaibmačilgehusa.

  •  Jus du mielas advokáhta golut leat menddo ollu, de sáhttá siviila áššin dáhttut dikki buktit cealkámuša bálkágáibádussii, geahča riidolága § 3-8 (leaŋka lovdata.no).

Siidu lea maŋimus dáhkiduvvon: 16.03.2016, kl. 10:50