Vealgeáššit

Jus dus lea duođalaš vealgeváttisvuođat ja it nákce máksit vealggi, de sáhtát ohcat vealgeortnega

Goas lea vealgeortnet gustovaš?

Vealgeortnet gusto olbmuide geain lea duođalaš vealgeváttisvuođat ja geat galget hálddašišgoahttit iežaset ruhtadili, ja ahte eanáš oassi vealggis mákso. Dáid siidduin sáhtát lohkat eanet mo sáhtát oaččut vealgeortnet soahpamuša ja maid dat sisttisdoallá. 

Gos ozan?

Don sáhtát ohcat vealgeortnega nammamánnis du ruovttugielddas. Nammamánne doaibma gullá politiijaide. Guđe polesguvlui du ruovttugielda gullá, gávnnat dás www.politi.no

Mii lea vealgeortnet?

Vealgeortnet šiehtadus sáhttá leat ná:

• Don oaččut maŋiduvvot máksit olles dahje oasi vealggis.
• Velggoheaddjit loahpahit ollásit dahje belohahkii reanttuid dahje goluid.
• Olles dahje oassi du vealggis sihkkojuvvo dalán dahje go vealgeortnet áigodat loahpahuvvo.

Vealgeortnet sáhtát oaččut go dagat eaktodáhtolaš šiehtadusa du velggoheddjiiguin, daidda geaidda leat velggolaš ruđa. Jus velggoheaddjit eai dáhtu dahkat dákkár šiehtadusa, de sáhttá duopmostuollu mearridit bagget vealgeortnega.Dábáleamos lea ahte du vealgi  mii lea báhccán sihkkojuvvo maŋŋá go baggu vealgeortnet áigodat, mii lea 5 jagi lea loahppan. Dán áigodagas mávssát juohkki velggoheaddjái mánnosaččat mii lea mearriduvvon vealgešiehtadallamin.

Fuomášahttit ahte gárttat vuovdit du opmodagaid nugo vistti, bartta, biilla ja nu ain jus galggat olahit vealgeortnega. Dat galgá máksot, heivehuvvon du ruđalaš dillái ja du máksinnávcca ektui. Don galggat sáhttit fuolahit iežat ja du bearraša, ja seammás máksit du vealggi.