Fállu

Bákkolaš vealgeortnet lea molssaeaktu jus velggoheaddjit ja  velggolaš eai soabat vealgešiehtadusa ( eaktodáhtolaš vealgeortnet).

Duopmostuollu mearrida bákkolaš vealgeortnega

Jus velggolaš ja velggoheaddjit eai soabat, ja velggolaš dáhttu doalahit iežas árvalusa šiehtadussii, de sáhttá son ozahit bákkolaš vealgeortnega duopmostuolus. Nammamánni veahkeha velggolačča maiddái dán bárggun. Bákkolaš vealgeortnega ozaheami ferte ovddidit nammamánnii ovdalgo vealgeortnetáigodat loahppá. Ozahus sáddejuvvo dasto duopmostullui gos de dáhttut velggolačča ja buot vejolaš velggoheddjiid diggečoahkkimii. Evttohus bákkolaš vealgeortnegii lea mielddusin sisagohččomis. Velggoheaddjit ožžot áigemeari ovdanbuktit čálalaš cealkámuša ovdal diggečoahkkima.

Jus evttohusas ii boađe ovdan ahte diggi galgá sáhttit beahttalit mearridit árvalusa, de váldo evttohus dušše vuhtii jus lea boahtán diggái áigemeari sisa ja velggoheaddji lea seammás sádden máŋgosa velggolažžii.

Boađus duopmostuolu meannudeamis

Duopmostuollu sáhttá mearridit árvalusa bákkolaš vealgeortnegii jus velggolaš ollašuhttá lága eavttuid. Diggi sáhttá nannet árvalusa bákkolaš vealgeortnegii váikke vel velggoheaddjit vuosttildit. 

Jus árvalusas sáhttá leat čuohcevaš, nugo boasttuvuođat áššemeannudeamis dahje leat olu vealgegáibádusat mat dagahit riidduid nu ahte ii leat vuođđu árvvoštallat velggolačča árvalusa, de galgá diggi beahttalit nannema. Dat mearkkaša ahte velggolaš ii oačču vealgeortnega.

Jus duopmostuollu ii nanne ozahusa bákkolaš vealgeortnegii, sáhttá velggolaš ohcat ođđasit  jus vuosttaš hehttehusat oaččut vealgeortnega loahpahuvvojit. Velggolaš sáhttá váldinjuolggadussan dušše oktii oaččut vealgeortnega. Dat lea danin dehálaš ahte ovddiduvvo árvalus mii lea realistálaš ja maid velggolaš sáhttá jáhkkimis čađahit. jus velggolaš ii doalat šiehtadusa iežas velggoheddjiguin/kreditoraiguin, sáhttet sii goas beare dáhttut loahpahit ortnega. Jus diggi čuovvula ozahusa loahpahit vealgeortnega, mearkkaša dat ahte velggolaš máhccá dan dillái fas gos lei ovdal go ozai vealgeortnega.  


Nettstedet til namsfogden i Oslo har mer informasjon om vilkår og søknad om gjeldsordning (lenke til politiet.no)

 

Siidu lea maŋimus dáhkiduvvon: 24.10.2016, kl. 12:51