Baggoollašuhttin

Go šiehtadusat ja gáibádusat eai ollašuvvu eaktodáhtolaččat, de sáhtát baggoollašuhttinlága vuođul dáhttut gáibádusa baggoollašohttot.  

Makkár áššiid meannuda diggeriekti baggoollašuhttinlága vuođul?

Diggerievtti dábáleamos áššešlájat bággoollašuhttinlága vuođul leat:

  •  baggovuovdin
  •  Guođđin (olggos biddjan)
  •  olgoriikalaš bággovuođul vealgi
  •  Váidda nammamánni mearrádussii
  • El- rávnnji gidde

Goas sáhttá gáibidit baggoollašuhttima?

Ovdal go sáhtát gáibidit bággoollašuhttima de ferte leat fámolaš bággovuođđu. Láhka earuha gaskal dábálaš bággovuođu ja erenoamáš bággovuođu.

  • Dábálaš bággovuođđu: duopmu dahje diggemearrádus
  • Erenoamáš bággovuođđu: ovdamearkka dihte vealgereivve, legálapánta, gáibádusa sihkkarastin ja láigokontrávttat mat ollašuhttet vissis gáibádusa.

Jus vuođđu lea erenoamáš bággovuođđu, fertet váldonjuolggadussan dieđihit vuostebeallái ovdalgo bággovuođđu lea bággofámolaš. Dábálaš bággovuođus, mii lea vuollil jagi ii leat dárbu dieđihit.

Maid ferte bággoollašuhttin gáibádus sisttisdoallat?

Baggoollašuhttin gáibádusa maid sáddet riektái galgá sisttisdoallat 4 ollislaš gáhppálaga oktan mildosiin, ja galgá sisttisdoallat:

  • Olles nama ja čujuhus sihke ášši vuolggaheaddjái ja ášši vástideaddjái
  • Ášši vuolggaheaddji fitnodatnummir dahje riegádannummir ja telefovdnanummir
  • Ášši vástideaddji fitnodatnummir dahje riegádannummir
  • Baggovuođu čilgehus
  • Oppalašgovva gáibádusaid iešguđetge beliin jus lea ruhtagáibádus

Don fertet muitit bidjat mielde máŋgosa baggovuođus ja vejolaš várohusat. Dat sáhttá leat dárbu bidjat mielde eará dokumentašuvnnaid, beroškeahttá áššešlájas.

Man olu máksá gáibidit baggoollašuhttima?

Ovdalgo sáhttán gáibidit baggoollašuhttima, fertet máksit divvaga. Divvaga sturrodat rievdá dan mielde man viidát ášši lea meannuduvvon ja makkár baggoollašuhttin hápmi gáibiduvvo. Diva mákso maŋŋá go ášši lea mearriduvvon. Geahča riektedivvagiid ollislaš gova.

Guoddaleapmi

Duomostuolu mearrádus sáhttá guoddalit. Jus it leat ovttaoaivilis mearrádusain, de sáhtát guoddalit ášši lágamánneriektái. Guoddalanáigemearri lea 1 mánnu dan rájes go diggemearrádus lea gulahuvvon dutnje. Guoddaleami buvttát dahje sáddet diggeriektái. Don fertet maid máksit riektedivvaga.