Siviila diggeášši

Duopmostuolut lea servodaga deháleamos riidočoavdit. Nu lea dehálaš ahte oasehasat  galget sáhttit duhtat čovdosiin go duomostuollu cealká duomu ja dan ii sáhte guoddalit.

Mii lea siviila ášši?

Siviila ášši lea riidu guovtti dahje eanet beliid gaskal das ahte gii lea  lága bealde. Dat sáhttet leat ovdamearkka dihti bargodilli, bearašáššit, opmodatráját, ekonomiija ja áššit almmolašvuođa vuostá.

Eanáš siviila áššit meannuduvvojit riidolága vuođul (leaŋka lovdata.no), earret vánhenriidoáššit.