Alimusriekteduopmára oahppovirgelohpi davvin
Dálvit 2022 lei alimusriekteduopmár Cecilie Østensen Berglund oahppovirgelobis gos son čiekŋudii iežas sámeriektái ja hástalusáidde čatnon davviguovlluide.
Nannendihttiid jotkkolaš lassioahpahusa sin duopmaridda lea Alimusrievttis oahppovirgelohpi ortnet duopmáriidda gos sii sáhttet čiekŋudit sin iešguđet riektesurggiide. Dálvit 2022 válljii alimusriekteduopmár Cecilie Østensen Berglund geavahit su oahppovirgelobi oahppat dárkileabbo iešguđetlágan hástalusaide čatnon davviguovlluide ja oahpat eambo boazoduolu ja mearrasámiid diilii birra.
Dálkkádatrievdadeami váikkuhusat
Stuorra oasi oahppovirgelobis geavahii son Finnmárkkus, guhkes áiggi duoddaris iešguđet sámi boazodoallin. Son lei earet eará fárus čohkkemin bohccuid, boazolohkamis ja boazobiebmamis. Dan áigge duoddaris oaččui son dárkileabbo oahppu dálkkádatrievdadeami mearkkašumi árbevirolaš boazodollui. Áiggi Finnmárkkus geavahuvvui maid oahppat eambo mearrasámiid kultuvrra ja riddoguolásteami ovdáneami davvin.
Ságastallamat eamiálbmotvuoigatvuođaid birra
– Oahppovirgelohpi attii vejolašvuođa oažžut oahppu sihke nuorra ja boares boazodoallin ja seammá maid sámi guolásteddjiin. Ožžon maid vejolašvuođa ságastit Sámedikkiin, Stáhtahálddahusain, duopmáriiguin, politiijain, advokáhtain ja akademiijain iešguđet fáttáid eamiálbmotvuoigatvuođaid doaimmain. Dán muitala Cecilie Østensen Berglund.
Duohta dilli, kultuvrra ja árbevearru
– Østensen Berglund dadjá maŋŋá oahppovirgelobi ahte dat deháleamos vásáhusat maid son váldá mielde, lea ahte duopmáriiguin dán suorggis, vuostálasvuhtii eanáš eará riektesurggiin, lea unnán duogášmáhttu duohta diliid birra.
– Dát mielddisbuktá ahte dákkár áššiin ferte luoittit viiddis duođaštusovdanbuktin duohta dili, kultuvrra ja árbeviero ektui, muitala son. Dákkár duođaštusovdanbuktin oktan duođalaš čilgehusain daid rievttalaš fáttain mat áššin ceagganit, addit buoret vejolašvuođa jearrat daid rivttes gažaldagaid, dáhkat daid dárbbašlaš dássádallamii ja cealkit rivttes duomu.
Cecilie Østensen Berglund loahpaha muitalemiin oahppovirgelohpi attii inspirašuvdna sihke oažžut eambo oahppu sámi dilliid birra ja juogadit dan oahppu maid lea ožžon,
– Áigi maŋŋá oahppovirgelobi lean doallán máŋga logaldallama suorggi birra. Doaivumis leamaš ávkkálaš sidjiide geat lea guldalan. Suidne goitge lea addán inspirašuvdna ain eambo čiekŋudit dan riektesuorgái
Cecilie Østensen Berglund lea stivrrajođiheaddji Duopmostuoluhálddahusas.
