Dåapmoestovlh åarjelsaemien dajvesne
Dåapmoestovli Saemien forume seminaarem öörneme voerhtjen 13.-14. biejjien saemien kultuvren, gïelen jïh båatsoen bïjre åarjelsaemien dajvesne. 32 almetjh meatan årrome 13 dåapmoestovlijste.
Seminaaren ulmie dåapmoestovlh gelkieh maehtedh åarjelsaemien aamhtesh gïetedalledh bööremes vuekien mietie. Juktie dåapmoestovlh edtjieh dan barkedh dellie daerpies hijven maahtoe åarjelsaemien gïelen, histovrijen jïh reaktakultuvren bïjre.
- Dah lea guhkiem orreme jeenh vihkeles reaktaaamhtesh åarjelsaemien dajvesne. Dåapmoestovlh sijhtieh hijven jïh maehteles bielie årrodh mij tjomperh loevesje jïh gaajhkh bielieh leajhtadidh daejtie. Daate vihkeles tjåanghkenibie juktie jeenjebem maahtoem åadtjodh daejnie dajvine. Dam jeahta Finn-Arne Schanche Selfors, Saemien forumen åvtehke stuvremedåehkesne jïh sorentjaelije Sisnjelds jïh luvlien Finnmaarhken digkiereaktosne.
- Åarjelsaemien dajven lea vijries dajve man jeenh reaktoegievlieh jïh dåapmoestovlh. Dannasinie manne joekoen aavone mijjieh daesnie tjåanghkenamme jïh jeenh almetjh meatan dajven dåapmoestovlijste. 32 almetjh meatan orreme 12 dåapmoestovlijste, jïh gaajhkh instansh daesnie, mijjieh jeenjebem maahtoem åadtjobe jïh seamma sienten maehtebe dååjrehtimmieh låtnoehtidh. Dah gïeh meatan aaj nuepie soptsestalledh guktie mijjieh aktine maehtebe åarjelsaemien aamhtesth gïetedalledh bööremes vuekien mietie, Selfors soptseste.
Dåapmoestovlh gïeh meatan Eidsivatingen laakeålmareakta, Finnmaarhken laantejuakoe, Finnmaarhken kommisjovne, Frostatingen laakeålmareakta, Jïllemesreakta, Helgelaanten digkiereakta, Hålogalaanten laakeålmareakta, Sisnjelds jïh Luvlien Finnmaarhken digkiereakta, Salten jïh Lofoten digkiereakta, Tröndelaagen digkiereakta, Tröndelaagen laantejuakoe, Luvlieh Sislaanten laantejuakoe jïh Sislaanten digkiereaktoe.
Seminaaren aamhtese åarjelsaemien dajvesne voerhtjen 13. jïh 14. biejjie lea histovrije, båatsoe, aarealegaertjiedimmieh, gïele, reeremedajvh jïh eatnemeguarkoe. Seminaare aalka reaktan mieriejgujmie saemien reaktatjirkeme.
Saemien dåapmoestovline.
Dåapmoestovlh jïh dåapmoestovlereereme gelkieh saemien reaktoe staatusem tjirkedh aalkoealmetjinie jïh etnihkeles unnebelåhkojne Nöörjesne.
Lohkh jeenjebem saemien dåapmoestovline