Ođđa duopmostuollonamat ja eanet sámegiella Helgelanden digkiereakten
16 riika 52 duopmostuoluin leat sámi hálddašanguovlluin. 13 dain sáhttet dál galbet ođđa, mearriduvvon sámi namain. Helgelanden digkiereakta lea okta dain duopmostuoluin, geat dasa lassin dáhttot čalmmustahttit iežaset buorebut sámi geavaheddjiid ektui.
Dárbu ođđa sámegiel namaide
2021 duopmostuoloreforpma oktavuođas, eanajuohkinrivttiid ja diggerivttiid ovttastahttimis, ožžo máŋga duopmostuolu ođđa dáža nama. Nu álggahuvvui maid bargu oažžut ođđa ja dohkkehuvvon sámi namaid guoskevaš duopmostuoluide.
Helgelanden digkiereakta lea okta dain duopmostuoluin gii bargá nannet sihke galbema ja diehtojuohkima lullisámegillii.
– Midjiide lea dehálaš čalmmustahttit sámevuođa, lohká sundi Rolf Selfors. Son jođiha Helgelanden digkiereakta, lullisámi hálddašanguovllus, riektebáikkiin Brønnøysund, Måefie ja Sandessjøen.
– Dat lea dat unnimus maid mii berrešeimmet dahkat, ja min dáhttu lea dahkat vel eanet, muitala son. – Min mielas mii leat dahkan dehálaš lávkkiid čalmmustahttit lullisámi. Váikko dát lea vuos unna lávkkážiin, de oidnet min geavaheaddjit ahte mii láhččit sámegiel geavaheami go dasa lea dárbu. Mii dáhttut čájehit geavaheddjiide ahte sis lea vejolašvuođat.
– Mis lea juohke jagi áššit main lea sámi beroštumit, muhto eat sáhte muitit ahte lea leamašan dárbu lullisámegiela geavahit riektegiellan.
– Dat lea vejolaš ahte ii leat doarvái oahppis ahte sáhttit heivehit lullisámegiela geavaheami. Dál geavahišgoahtit eanet giela, ja dás fargga oidno dat sihke olgogalbbas, muhtton jorgaluvvon dieđuin min neahttasiiddus, vuolláičállagiin e-poastagulahallamiin ja lullisámegielat galbbain min lanjain. Dán láhkái doaivvun mii buriin vugiin čalmmustahttit fálaldaga lullisámegiela geavaheddjiide, muitala Selfors.
Bargu duopmostuolu sámegiel namain lea Duopmostuollohálddahus dahkan ovttas Sámedikkiin. Ođđajagimánu 2024:s ledje sámi hálddašanguovlluid 16 duopmostuoluin 13 duopmostuolu main ledje mearriduvvon namma dahje rávvejuvvon čállinvuohki, davvisámegillii, julevsámegillii ja lullisámegillii.
Golbma duopmostuolu, Lufuohtá ja Viestterála eanajuohkinriekti, Helgelanden digkierekte ja Helgelanden laantejuakoereakta lea ain bargamin mearrideamen loahpalaš nama.
Oppalašgovva duopmostuollonamain
Davvisámi hálddašanguovllut
Hålogaland lagmannsrett - Holgolátti lágamánneriekti
Midtre Hålogaland tingrett - Gaska-Holgolátti diggegoddi
Nord-Troms og Senja tingrett - Davvi-Romssa ja Sáččá diggegoddi
Sis- ja Nuorta-Finnmárkku diggegoddi - Indre og Østre Finnmark tingrett
Vestre Finnmark tingrett - Oarje-Finnmárkku diggegoddi
Finnmark jordskifterett - Finnmárkku eanajuohkinriekti
Lofoten og Vesterålen jordskifterett – (navn på samisk i prosess)
Nord-Troms jordskifterett - Davvi-Romssa eanajuohkinriekti
Ofoten og Sør-Troms jordskifterett - Ufuohtá ja Oarje-Romssa eanajuohkinriekti
Julevsámi hálddašanguovllut
Salten og Lofoten tingrett - Sálto ja Lufåhta diggeriektá
Salten jordskifterett - Sálto ednamjuohkoriektá
Lullisámi hálddašanguovllut
Frostating lagmannsrett - Frostatingen laakemaenniereakta
Helgeland tingrett - Helgelanden digkiereakta (hybridløsning er valgt, endelig navn i prosess)
Helgeland jordskifterett - Helgelanden laantejuakoereakta (hybridløsning er valgt, endelig navn i prosess)
Trøndelag tingrett - Trööndelagen digkiereakta
Trøndelag jordskifterett - Trööndelagen laantejuakoereakta