Alimusrievtti birra

Vuođđolága § 88 dadjá ahte "Alismusriekti dubme maŋimus instánssas".   Alimusriekti lea danne Norgga bajimus duopmostuollu man doaibmaguovlu lea olles riika. 

Stuorradiggi, Ráđđehus ja Alismusriekti leat riikka bajimus stáhtaorgánat.  Vuođđolága vuođul lea iešguhtiige addojuvvon váldi jogo láhkaaddi, doaimmaheaddji dahje dubmejeaddji váldi.  Alimusriekti lea dubmejeaddji doaimmas áibbas iehčanas eará stáhtaorgánaid ektui.  Duopmostuolut main Alimusriekti lea bajimusas, sáhttet earret eará iskat ahte leatgo Ráđđehusa mearrádusat lágaid mielde ja sohpetgo Stuorradikki lágat Vuođđoláhkii.