Iešdieđut
Norgga Alimusrievttis leat 20 duopmára ja dan jođiha justitiarius. Lea hui deaŧalaš ahte Alimusrievttis lea viidodat
Duopmárat galget boahtit ja sis galget leat bargovásáhusat iešguđet guovllus riikkas. Maiddái galget leat iešguđetlágan bargovásáhusat ja virgegeidnosat, ja duopmárat galget vižžojuvvot sihke priváhta ealáhuseallimis ja almmolaš doaimmain. Maiddái sohkabeali ja agi dáfus galgá leat govttolaš juohkáseapmi. Datte lea vuođđoeaktun ahte fágalaš čehppodat lea allin.
Alimusrievtti hálddahusas barget sullii 45 olbmo. Dat barget jogo juridihkalaš guorahallanovttadagas dahjege hálddahusbargin. Duopmostuollojođiheaddjin de lea justitiariusis maiddái hálddahuslaš ovddasvástádus, ja oassálastá dakkár hálddahuslaš gažaldagaid gieđahallamiin, main lea prinsihpalaš ja geavatlaš mearkkašupmi duopmostullui. Alimusrievtti hálddahusa jođiha beaivválaččat direktevra, guhte lea ámmátalmmái, ja vuolitdirektevra. Juridihkalaš guorahallanovttadat lea Alimusrievtti hálddahusa stuorámus ovttadat ja das leat 20 bargi, geaid searvái maiddái jođiheaddji ja nubbijođiheaddji gullaba.
Alimusrievtti organisašuvdnakárta
