Beatnaga veaddingeatnegasvuohta – eamiálbmogiid vuoigatvuohta iežaset dábiide

Duopmárat: Aarbakke, Stang Lund, Bruzelius, Flock, Dolva

A, guhte lea sápmelaš ja girditeknihkkár, dubmejuvvui lágamánnerievttis – gielddarievtti áššehuvvama mielde dikki ovdaolbmo sierraoaiviliin – leat rihkkun fuođđolága mearrádusa beatnaga veaddingeatnegasvuođa hárrái - fuođđolága § 52 nubbi lađas.

Son guoddalii láhkageavaheami ja doarjalii ráŋggáštuslága § 1 nuppi lađđasiin ILO-konvenšuvdna nr. 169 8. artihkkala nr. 1. ja 2., eamiálbmogiid vuoigatvuođa birra seailluhit iežaset dábiid ja ásahusaid dan muddui go dat eai leat vuostálagaid lágaid ja láhkaásahusaid geavahettiin. Čujuhuvvui báikkálaš dábiide ahte beatnagat Kárášjogas beroškeahttá fuođđolága mearrádusaid veaddingeatnegasvuođa hárrái eai leat dollojuvvon gitta duovdagiin. Alimusriekti hilggui guoddaleami. 8. artihkal nr. 2 adnojuvvui máinnašeamen eamiálbmogiid siskkáldas vieruid, mat eai sáhttán mannat ovdalii fuođđolága mearrádusa. Iige 8. artihkal nr. 1 sáhttán vuoitit dán dulkomis. Maŋimuš namuhuvvon oaiváldat vuođđuduvvui eanaš fuođđolága vihkkedallamii, mii bidjá riikka fuođđohálddašeapmái meriid, ja dáhpái dan ovdandoallan vuođuštusaiguin ja kvalitehtain. Fuođđolága regelat veaddingeatnegasvuođa hárrái adnojuvvo fuođđohálddašeami regeliid guovddáš oassin, mii oppalaččat orui bures soahpamin sámi oidnui.