Orohahkii addojuvvui vuoigatvuohta johtit bohccuiguin priváhta eanaopmodaga badjel boazodoallolága § 22 vuosttas lađđasa vuosttas molssaeavttu olis
Alimusrievtti duopmu geassemánu 8. b. 2016, HR-2016-1219-A, (ášši nr. 2016/109), siviila ášši, duomu guoddaleapmi
Orohat 24 A Sievju Oarji (advokáhta Per Arve Amundsen) vuostá A (advokáhta Gisle Loso)
Duopmárat: Kallerud, Webster, Matheson, Ringnes, Endresen
Ášši duogáš lea dan árbevirolaš boazojohtimis dálveorohagas Finnmárkku duoddariin geasseorohahkii riddui. Johtin geavvá dárkilat namuhuvvon johtingeainnuin. Muhtin orohat čuoččuhii vuoigatvuođa johtit bohccuiguin priváhta eanaopmodaga badjel beassan dihtii iežas geasseorohahkii. Eanaeaiggát dán vuostálasttii.
Alimusriekti gávnnahii ahte boazodoallolága § 22 vuosttas lađđasa vuosttas molssaeavttu galgá áddet nu ahte mearrádus addá dábálaš vuoigatvuođa johtingeainnuide boazoealátguovllu boazodoalliide. Go mearrádusas daddjojuvvo ahte sáhttá sirdit dohko "gos boazu lobálaččat oažžu leat". de ii leat dás eará ráddjehus go ahte sirdinvuoigatvuohta gusto dušše duovdagiin ja ahte guovlu ii galgga leat ráfáiduhtton.
Dát áššáiguoskevaš eanaopmodat lea orohaga boazoealátguovllu siskkobealde, das lea duovdagat iige leat ráfáiduhtton johtimii. Danne addojuvvui orohahkii vuoigatvuohta sirdit bohccuid eanaopmodaga badjel.
Mearrádus čielggada boazodoalliid johtinvuoigatvuođa olámuttu.