Lea go mearrádus geaidnoprošeavtta hárrái fámoheapme go ii leat čađahan čuozahusčielggadeami
Alimusrievtti duopmu skábmamánu 28. b. 2017, HR-2017-2247-A, (ášši nr. 2017/426), siviila ášši, duomu guoddaleapmi
Ráidná orohat
Margareth Anni Hansen
Herolf Andreas Hansen
Audhild Helene Hansen
Sigrunn Merete Hansen (advokáhta Knut Helge Hurum)
vuostá
Romssa fylkkagieldda (advokáhta Johan Fredrik Remmen)
regiovdnageaidnokantuvrra bokte (advokáhta Pål Martin Abell)
Duopmárat: Kallerud, Bergh, Arntzen, Matheson, Matningsdal
Ášši gustui gažaldahkii ahte lea go mearrádus geaidnoprošeavtta čađaheami hárrái fámoheapme go ii leat leamaš čuozahusčielggadeapmi. Dasto lei gažaldat ahte lea go geaidnorusttet vuostá ON konvenšuvdna siviila ja politihkalaš vuoigatvuođaid (SP) 27. artihkkala dan geazil go dát čuohčá sámi boazodollui.
Alimusrievtti eanetlohku ii váldán loahpalaš beali ahte dárbbašuvvui go čuozahusčielggadeapmi dalá regeliid mielde, danne go vejolaš boasttuvuođas ii livččii ihkinassii mearkkašupmi gielddastivrra dahkan mearrádusaide.
Unnitlohku oaivvildii ahte čuozahusčielggadeapmi lei geatnegas. Dasto soittii unnilogu áddejumi mielde gielddastivra dahkat eará mearrádusa, jus livččii dasa čuozahusčielggadeapmi.
Eanetlohku dasto gávnnahii ahte SP 27. artihkal ii lean rihkkojuvvon. Unnitlohku lei ovttaoaivilis eanetlogu oppalaš áddejumis konvenšunmearrádusa hárrái.
Mearrádus válbme čuozahusčielggadeami geatnegasvuođa. Dasto neavvu mearrádus mo árvvoštallat boasttuvuođaid áššegieđahallamis, vrd. hálddašanlága § 41.