Njukčamánu 9. b. 2018 celkkii Alimusriekti duomu
I.
Finnmárkkuopmodat (advokáhta Kristin Bjella) (Rievttálaš veahkki: advokáhta Frode A. Innjord), Orohat 6/5D (advokáhta Anja Jonassen – geahččaleamis) (oasehasveahkki), Meskelv og omegn bygdelag (advokáhta Kristoffer Dons Brøndbo) (oasehasveahkki)
vuostá
Unjárgga gilisearvvi (advokáhta Brynjar Østgård) (Rievttálaš veahkki: advokáhta Frode Elgesem)
II.
Unjárgga gilisearvi (advokáhta Brynjar Østgård) (Rievttálaš veahkki: advokáhta Frode Elgesem)
vuostá
Finnmárkkuopmodaga (advokáhta Kristin Bjella) (Rievttálaš veahkki: advokáhta Frode A. Innjord), Orohat 6/5D (advokáhta Anja Jonassen – geahččaleamis) (oasehasveahkki),
Meskelv og omegn bygdelag (advokáhta Kristoffer Dons Brøndbo) (oasehasveahkki)
Duopmárat: Bergh, Utgård, Tønder, Endresen, Indreberg, Bårdsen, Webster, Matheson, Normann, Noer, Bull, Kallerud, Bergsjø, Atntzen, Falch, Berglund, Matningsdal
Sisdoallu daid cieggan oktasaš geavahanvuoigatvuođain mat báikeolbmuin leat Finnmárkkuopmodaga eatnamiin Unjárgga gielddas.
Ášši guoská dasa mo čielggadit sápmelaččaid ja earáid geavahanvuoigatvuođaid finnmárkolága kapihtal 5 vásedin proseassanjuolggadusaid mielde. Alimusriekti meannudii ášši ollesčoahkkimis. Duopmu lea ovttajienalaš.
Finnmárkokomišuvdna geigii guovvamánu 13. b. 2013 raporttas Unjárgga gieldda eatnamiid vuoigatvuođaid birra. Komišuvdna gávnnahii ahte gieldda álbmogis lea álgoálgosaš vuoigatvuohta máŋggalágan meahcceávkkástallamii, main lea iešheanalis vuođđu finnmárkkulága bálddas. Komišuvdna gávnnahii dange ahte orohaga 6/5D siidaoasálaččain lea boazodilis dábálaš geavahanvuoigatvuohta. Viehka stuorra oassi Unjárgga gieldda álbmogis leat mearrasápmelaččat. Gieldda dihto oasi báikeolbmuid beales čuoččáldahtii Unjárgga gilisearvi ášši Finnmárkku duopmostuolu ovdii dainna gáibádusain ahte cieggan geavahanvuoigatvuođat maiddái fátmmastit vuoigatvuođa hálddašit daid luondduriggodagaid maidda geavahanvuoigatvuođat leat laktašuvvon. Gáibádus guoská earret eará hálddašit bivddu ja guolásteami dán oasis gielddas. Čuoččuhus siskkilda dan ahte Finnmárkkuopmodagas ii galgga dán guovllus leat vuoigatvuohta hálddašit finnmárkkulága dábálaš regeliid mielde.
Meahcceduopmostuolu ođđajagemánu 23. b. 2017 duomus mieđihuvvui Unjárgga gilisearvái viehka muddui ovddiduvvon gáibádusaide. FeFo guoddalii duomu Alimusriektái. Sihke meahcceduopmostuolu ja Alimusrievtti ektui lea Orohat 6/5D dorjon FeFo ja dovddahan dáhtu ahte finnmárkkulága hálddašanvuogádat dat galgá gustot. Alimusrievttis lea Meskelv og omegn bygdelag maiddái dorjon FeFo.
Alismusriekti gávnnahii ahte guoddaleapmi juoksu.
Duomus deattuhuvvo ahte báikeolbmuid geavahanvuoigatvuođat leat álgolunddot iešheanalis vuoigatvuođat mat dán bokte sierra suddjejuvvojit. Dát mearkkaša earret eará ahte FeFo hálddašeames bokte galgá vuoruhit báikkálaš geavaheaddjiid luondduvárrevátnivuođas. Alimusriekti datte gávnnahii ahte báikeolbmuid historjjálaš vuoigatvuođaid geavaheapmi ii leat leamaš dan láhkai ahte lea velá cieggadan vuoigatvuođa hálddašit luondduvaljiid. Dán árvvoštallamis deattuhuvvui makkár báikeolbmuid geavaheapmi lei earret eará dan háldogeavaheami ektui mii stáhtas lea leamaš dan áddejumi vuođul ahte lea eaiggát. Alimusriekti čujuhii velá ahte boazodilli ja eará báikeolbmot nággoguovllu olggobealde buori muddui leat ávkkástallan ja ávkkástallet guovllu luondduburiid.
Duomus guorahallá alimusriekti álbmotrievttálaš regeliid mat suodjalit eamiálbmogiid vuoigatvuođaid, áinnas ILO-konvenšuvdna nr. 169 eamiálbmogiid ja čearddalaš álbmogiid hárrái iešmearrideaddji riikkain. Alimusrievtti konklušuvdna lea ahte báikeolbmuid geavahanvuoigatvuođaid mieđiheapmi ja áimmahuššan nugo duomus lea válddahallon, ii leat álbmotrievtti vuostá.
FeFo proseassafámohas lea Alimusriektái deattuhan ahte báikeolbmuid geavahanvuoigatvuođat gáržžidit Unjárggas FeFo` eaiggátváldi doaimmaheami finnmárkkulága mielde, seammás go bidjet láidestusaid dasa mo FeFo gielddas boahttevuođas hálddašivččii meahccevaljiid. Dáid gáržžádusaid geažil ii sáhte FeFo earret eará sihtat mávssu báikeolbmuid vuoigatvuođaideaset geavaheames earret dan maid ferte gokčan dihtii FeFo` hálddašangoluid. Alimusriekti lei ovttamielas dán lahkoneapmái. Alimusriekti dovddahii velá ahte čađahit FeFo hálddašeami ja cieggan vuoigatvuođaid gaskasaš dárkilat heiveheami ii leat áššái fátmmastuvvon nugo dat lea Alimusriektái lágastuvvon.