Ovddeš Alimusriektejustitiárius Carsten Smith lea vádjolan, 93-jahkásažžan
Bearraša dáhtu mielde almmuha Alimusriekti ahte ovddeš alimusriektejustitiárius Carsten Smith lea jápmán.
Carsten Smith lei Alimusriektejustitiárius 1991 rájes gitta 2002 rádjái, ja guhkes eallima čađa son guđii nana luottaid Norgga riekteeallimii - riektedutkin, servodatdigaštallin ja duopmostuolo jođiheaddjin. Son váikkuhii nannosit sámerievtti ja olmmošvuoigatvuođaid sajádaga ovdáneapmái Norgga rievttis.
- Carsten Smith lei erenoamáš árvvusadnojuvvon ja gudnejahtton, sihke justitiáriusan ja olmmožin. Ealáhagas son doalahii lagaš oktavuođa Alimusriektái, ja gitta maŋimuš áiggiid rádjái finai dávjá min luhtte. Dan aniimet hui árvvus, dadjá alimusriektejustitiárius Toril Marie Øie.
Carsten Smith vádjolii jaskadit duorastaga eahkeda miessemánu 28. beaivvi iežas lagamuččaid searvvis.